Enter your Email Address to subscribe to our newsletters
नव दिल्ली, 13 अप्रैलमासः (हि.स.)।प्रधानमन्त्रिणा नरेन्द्र मोदिना जलियांवाला बाग हत्याकांडस्य स्मृतिदिवसे शहीदेषु श्रद्धाञ्जलिः अर्पिता। तेन उक्तं यत् हुतात्मनां बलिदानं राष्ट्रस्य अदम्य-साहसस्य प्रतीकम् अस्ति। अस्मिन् अवसरि प्रधानमन्त्रिणा एकं संस्कृत-सुभाषितम् अपि सहकृतम्।
अस्मिन् सुभाषिते समाजे परोपकारी-शक्तीनां सुदृढीकरणस्य तथा विभाजन-अन्याय-प्रसारक-शक्तीनां विरोधस्य संदेशः प्रदत्तः। प्रधानमन्त्रिणा विभिन्न-भाषासु एक्स-माध्यमे लेखनं कृत्वा शहीदेषु नमनं कृतम्, तथा उक्तं यत् जलियांवाला बागस्य वीराणां साहसः बलिदानं च आगामि-पीढीनां कृते स्वतंत्रता-न्याय-गरिमा-मूल्येषु प्रेरणां दास्यति। तेन उक्तं यत् विदेशी-शासनस्य बर्बरतायाः विरुद्धं हुतात्मनां संघर्षः राष्ट्रस्य प्रत्येकां पीढीं प्रेरयिष्यति। तेन सर्वेभ्यः अमर-शहीदेभ्यः भावपूर्णा श्रद्धाञ्जलिः अर्पिता।
प्रधानमन्त्रिणा यत् सुभाषितं साझा कृतम्, तत् अस्ति— “इन्द्रं वर्धन्तो अप्तुरः कृण्वन्तो विश्वमार्यम्।
अपघ्नन्तो अराव्णः।।” अस्य अर्थः—हे परिश्रमी कर्मठ जनाः, यूयं ताः श्रेष्ठाः परोपकारी-शक्तयः वर्धयत, याः समग्रं विश्वं श्रेष्ठं सभ्यं उन्नतं च कुर्वन्ति। तथा च ताः दुष्टाः विनाशकारी शत्रुतापूर्ण-शक्तयः नाशयत, याः समाजे अन्यायं अव्यवस्थां च प्रसारयन्ति।
उल्लेखनीयम् यत् १३ अप्रैल १९१९ तमे वर्षे बैसाखी-पर्वणि अमृतसर-स्थिते जलियांवाला बागे बहवः जनाः शांतिपूर्ण-सभायै एकत्रिताः आसन्। तस्मिन् समये ब्रिटिश-अधिकारी रेजिनाल्ड डायर इत्यस्य आदेशेन सैनिकाः विना किमपि चेतावनीं निःशस्त्र-जनसमूहे अन्धाधुन्ध-गोलीवृष्टिं कृतवन्तः। बागस्य मुख्य-प्रवेशद्वारं संकीर्णम् आसीत्, येन जनाः बहिः निर्गन्तुं न अशक्नुवन्, तथा केचन जनाः गोलीभ्यः रक्षितुं कूपे अपतन्। अस्मिन् भीषणे गोलीकाण्डे शताधिकाः जनाः मृताः सहस्राधिकाश्च आहताः अभवन्।
---------------
हिन्दुस्थान समाचार