Enter your Email Address to subscribe to our newsletters
चेन्नईनगरम्, १३ अप्रैलमासः (हि.स.)। तमिलनाडु-राज्ये विधानसभा-निर्वाचनाय केवलं कतिपयाः सप्ताहाः अवशिष्टाः सन्ति। अतः सर्वे राजनैतिक-दलानि स्व-प्रचार-अभियानं तीव्रं कृतवन्तः। राज्ये राष्ट्रीय-जनतान्त्रिक-गठबन्धनम् (NDA) महत् परिवर्तनं कर्तुं शक्नोतीति अपेक्षा अस्ति।
प्रधानमन्त्री नरेंद्रः मोदी तमिलनाडु-भारतीयजनतापक्षस्य पदाधिकरिभिः सह अद्य सायं ४ वादने वीडियो-कॉन्फ्रेन्स-माध्यमेन सभां करिष्यति। अस्यां चर्चायां तमिलनाडु-राज्यस्य भाजपा-पक्षस्य प्रायः पञ्चलक्ष-बूथ-समितिसदस्याः भागं ग्रहीतुं व्यवस्थिता अस्ति। सहभागिनः “नमो” इति अनुप्रयोगेन नामाङ्कनं कर्तुम् अनुरोधिताः सन्ति।
प्रधानमन्त्री द्विदिनीय-तमिलनाडु-यात्रायाम् आगमिष्यति। १५ अप्रैल-दिने सः नागरकोविले जनसभां सम्बोधयिष्यति, तथा १८ अप्रैल-दिने कोयम्बटूर-नगरेऽपि जनसभां करिष्यति। अस्मिन् कार्यक्रमे कोङ्गु-प्रदेशे निर्वाचनं कुर्वन्तः अन्नाद्रमुक-भाजपा-गठबन्धनस्य प्रत्याशिनः मंचे उपस्थिताः भविष्यन्ति।
भारतीयजनतापक्षस्य राष्ट्रीयाध्यक्षः नितिन-नवीनः अद्य कंदरवकोट्टै-स्थाने निर्वाचन-प्रचारं करिष्यति। ततः परं सः तञ्जावूर-नगरे बूथ-समिति-पदाधिकरिणां सभायां भागं ग्रहीष्यति।
केन्द्रीय-गृहमन्त्री अमितशाहः अपि तमिलनाडु-राज्ये प्रचारं करिष्यति, तस्य कार्यक्रमः अद्यापि निर्धार्यमाणः अस्ति।
तमिलनाडु-राज्यस्य मुख्यमंत्री एम.के.स्टालिनः तथा अन्नाद्रमुक-दलस्य महासचिवः एडप्पाडी के.पलानीस्वामी अपि अन्नाद्रमुक-भाजपा-गठबन्धनस्य प्रत्याशिनां समर्थनार्थं प्रचारं कुर्वन्ति।
हिन्दुस्थान समाचार / अंशु गुप्ता