Enter your Email Address to subscribe to our newsletters
अयोध्या, 13 अप्रैलमासः (हि.स.)। अयोध्यास्थिते श्रीरामजन्मभूमिमन्दिरे सहिते परिसरे सर्वेषु मन्दिरेषु मण्डपेषु च सोमवासरात् दर्शनानि प्रारब्धानि। एतेषु मन्दिरेषु दर्शनार्थं पासमाध्यमेन निर्धारितसंख्यायाः श्रद्धालवः एव प्रवेशं लभन्ते। पासप्राप्तये काश्चन शर्ताः अपि निर्धारिताः सन्ति, यथा श्रद्धालूनां काचनापि असुविधा न भवेत्। अस्य कृते सर्वाः आवश्यकतयार्याः व्यवस्थाः सम्पूर्णाः कृताः सन्ति।
ऑनलाइन-पासद्वारा प्रवेशः
श्रीरामजन्मभूमिमन्दिरपरिसरे निर्मितेषु सर्वेषु अष्टादशसु (१८) मन्दिरेषु सामान्यश्रद्धालूनां कृते आद्यत्रिमासपर्यन्तं परीक्षणरूपेण दर्शनानि आयोज्यन्ते।
मन्दिरव्यवस्थया सम्बद्धः गोपालः अवदत् यत् अद्य १३ एप्रिलदिनात् आरभ्य प्रतिदिनं १५०० श्रद्धालवः ऑनलाइन-पासद्वारा दर्शनं कुर्वन्ति। अस्मिन् सुगमविशिष्टसामान्यदर्शनार्थं पृथक्-पृथक् ५००-५०० पासाः निर्धारिताः सन्ति। पञ्जीकरणं “प्रथमम् आगच्छ, प्रथमम् प्राप्नुहि” इति आधारपरं भवति।
श्रद्धालवः सामान्यप्रवेशमार्गेण प्रविश्य रामललादर्शनं कुर्वन्ति। ततः दक्षिणसीढ्याः मार्गेण रामपरिवारस्य दर्शनानि क्रियन्ते। अनन्तरं परकोटामार्गेण शेषावतारमन्दिरं, सप्तमण्डपम्, कुबेरनवरत्नटीला च दर्शयन्ति।
दर्शनार्थं एकस्मिन् कुले अधिकतमं पञ्च (५) जनानाम् एव पासः निर्मीयते। ऑनलाइन-अनुप्रयोगे छायाचित्रम् अनिवार्यम् अस्ति तथा सर्वैः श्रद्धालुभिः आधारकार्डम् अनिवार्यतया वहनीयम्। पासाः द्वि-द्विघण्टायाः समयखण्डेषु निर्गच्छन्ति।---------------
हिन्दुस्थान समाचार