कोलकाता-नगरम्, १३ अप्रैलमासः (हि.स.)। पश्चिम-बङ्ग-राज्यस्य विधानसभा-निर्वाचन-प्रचारस्य सन्दर्भे केन्द्रीय-गृहमन्त्री अमितशाहः बीरभूम-जनपदे बोलपुर-नगरे आयोजितां जनसभां सम्बोधयन् सत्तारूढ-तृणमूल-काङ्ग्रेस्-दलं तीव्रतया आलोचितवान्।

सः अवदत् यत् राज्ये “गुण्डाराजः” वर्तते, तथा यदि भाजपा-सरकारा स्थापिता भवति तर्हि अपराधिनः अन्विष्य कारागारं प्रेषिताः भविष्यन्ति। मतदातॄन् प्रति आह्वानं कृत्वा सः अवदत् यत् भयस्य स्थानं विश्वासः गृह्णीयात् तथा मतदानेन परिवर्तनं आनयन्तु।

“डबल-इञ्जिन-सर्वकार:” इत्यस्य उल्लेखं कृत्वा सः उक्तवान् यत् भाजपा-शासने विकासस्य नूतनः युगः आरभ्येत। महिला-सुरक्षायाः विषये अपि सः वर्तमान-सरकारम् आलोचयित्वा आश्वासनं दत्तवान् यत् भाजपा-शासने महिलाः सर्वदा सुरक्षिताः भविष्यन्ति।

भ्रष्टाचारस्य तथा अवैध-प्रवेशस्य विषयेषु अपि सः राज्य-सर्वकारं दोषारोपितवान्, तथा अवदत् यत् सत्ता-प्राप्तौ अवैध-प्रवेशकर्तारः चिन्हिताः निष्कासिताश्च भविष्यन्ति। सहैव समान-नागरिक-संहिता-प्रवर्तनस्य प्रतिज्ञां पुनः आवर्तितवान्।

तस्य अन्येषु कार्यक्रमेषु खैराशोल-पश्चिम-बर्धमान-प्रदेशयोः सभाः शोभायारा: चापि प्रस्ताविताः सन्ति।

हिन्दुस्थान समाचार / अंशु गुप्ता