हरिद्वार-नगरम्, १३ अप्रैलमासः (हि.स.)। भारत-सर्वकारेण आयोज्यमानायाः जनगणनाया: २०२७ अन्तर्गतं प्रथमवारं नागरिकेभ्यः स्व-गणनायाः सुविधा प्रदत्ता अस्ति, यस्य माध्यमेन ते स्वयमेव अन्तर्जाल-माध्यमेन स्वपरिवारस्य विवरणं निबन्धयितुं शक्नुवन्ति। बीएचईएल-हरिद्वारस्य कार्यपालक-निदेशकः रंजन-कुमारः हरिद्वार-विभागे स्व-गणना-प्रयत्नस्य विधिवत् शुभारम्भं कृतवान्। तेन स्वयमेव स्व-गणना-प्रक्रियाम् अनुसृत्य सर्वेषां कर्मचारिणां कृते अनुकरणीयम् उदाहरणं प्रस्तुतम्।

स्वस्य सम्बोधने रंजन-कुमारः उक्तवान् यत् स्व-गणना केवलं सुविधा नास्ति, अपि तु उत्तरदायी-नागरिकत्वस्य कर्तव्यम् अस्ति। तेन उक्तं यत् अस्याः प्रक्रियायाः माध्यमेन देशाय सम्यक् अद्यतनं विवरणानि (दत्तांशाः) प्राप्तानि भविष्यन्ति, ये भविष्य-नीतिनिर्माणाय विकास-योजनानां च निर्माणाय अत्यन्तम् आवश्यकाः सन्ति। तेन बीएचईएल-हरिद्वार-विभाग: सर्वान् अधिकारिणः कर्मचारिणः च प्रेरितवन्तः यत् ते स्वपरिवारैः सह अस्मिन् राष्ट्रिय-दायित्वे सक्रियतया सहभागितां सुनिश्चितयन्तु। रंजन-कुमारः एतदपि अवदत् यत् अस्य विषये कर्मचारिणां जागरूकतायै परिपत्रम् अपि निर्गतम् अस्ति।

उल्लेखनीयं यत् जनगणना २०२७ पूर्णतया डिजिटल-रूपेण आयोज्यते। अस्यां प्रक्रियायां नागरिकाः गृहे उपविश्य एव अन्तर्जालेन स्वविवरणं निबन्धयितुं शक्नुवन्ति। एषा प्रक्रिया शीघ्रा, सुविधाजनका, सम्यक् तथा पारदर्शिनी च अस्ति, येन नागरिक-सहभागिता वर्धते। सहैव एषा ‘डिजिटल-इण्डिया’ दिशि एकः महत्त्वपूर्णः पग: अस्ति।

हिन्दुस्थान समाचार / अंशु गुप्ता