Enter your Email Address to subscribe to our newsletters
कानपुरम्, 14 अप्रैलमासः (हि.स.)।“बाबासाहेबस्य डॉ. भीमराव अंबेडकर जीवनं संघर्षस्य, समानतायाः न्यायस्य च प्रतीकः अस्ति। तेन समाजस्य सर्वेषां वर्गाणां अधिकारप्राप्तये यत् योगदानं कृतम्, तत् सदा प्रेरणादायकं भविष्यति” इति मङ्गलवासरे भारतीय जनता पार्टी क्षेत्रीयाध्यक्षः प्रकाश पाल उक्तवान्।
संविधानशिल्पिनः ‘भारत-रत्न’ डॉ. भीमराव अंबेडकर महोदयस्य १३५-तम-जयन्त्याः अवसरॆ किदवई-नगर-विधानसभाक्षेत्रस्य कार्यकर्तृभिः भाजपा-क्षेत्रीय-मुख्यालये भव्यगोष्ठ्याः आयोजनं कृतम्।
जिला-मीडिया-प्रभारी संजीव बेरी उक्तवान् यत् कार्यक्रमे बाबासाहेबस्य चित्रे पुष्पाञ्जलिः अर्पिता, तं प्रति भावपूर्णा श्रद्धाञ्जलिः च प्रदत्ता। तेन सह तेन रचितस्य भारतीयसंविधानस्य सामाजिकसमरसतायाः च विचाराः आत्मसात्कर्तुं संकल्पः अपि कृतः।
मुख्यातिथिरूपेण उपस्थितः क्षेत्रीयाध्यक्षः प्रकाश पाल स्वभाषणे बाबासाहेबस्य जीवनं तस्य योगदानं च विस्तरेण प्रकाशयामास। सः कार्यकर्तॄन् आहूतवान् यत् बाबासाहेबस्य विचाराः जन-जनपर्यन्तं प्रसारयितव्याः।
कार्यक्रमस्य अध्यक्षतां कुर्वन् जिला-अध्यक्षः शिवराम सिंह उक्तवान् यत् भारतीय जनता पार्टी बाबासाहेबस्य आदर्शान् अनुसृत्य समाजस्य अन्तिमपुरुषपर्यन्तं विकासं प्रापयितुं संकल्पिता अस्ति। एषः दिवसः सामाजिकसमरसतायाः, समानतायाः संविधानकर्तव्यस्मरणस्य च अवसरं ददाति।
अस्मिन् कार्यक्रमे विशिष्टातिथिरूपेण रघुनन्दनसिंह भदोरिया, के.के. सचान, भूपेन्द्र त्रिपाठी, जयप्रकाश कुशवाहा इत्यादयः उपस्थिताः आसन्। तथा बहवः कार्यकर्तारः अपि उपस्थिताः आसन्।
हिन्दुस्थान समाचार