रणबीर-कपूर-आलिया-भट्टयोः अभिनीतस्य ‘ब्रह्मास्त्रम् प्रथम-भागः – शिवा’ इत्यस्य चित्रपटस्य द्वितीय-भागस्य प्रतीक्षां कुर्वतां दर्शकाणां कृते हर्षजनकः समाचारः अस्ति। निर्माता नमित-मल्होत्रा अभ्यनुजानात् यत् ‘ब्रह्मास्त्रम्-२’ इत्यस्य कार्यम् शीघ्रमेव आरभ्यते। अस्मात्पूर्वं निर्देशकः अयान-मुखर्जी अपि अस्य अनुवर्ती-भागस्य विषये संकेतं कृतवान्।

वृत्तान्तानुसारं नमित-मल्होत्रा ‘सिनेमाकॉन २०२६’ इति कार्यक्रमे एतत् उद्घोषितवान्। सः अत्र स्वस्य अग्रिम-चित्रपटस्य ‘रामायण’ प्रचारार्थम् आगतः आसीत्, यस्मिन् रणबीरकपूरः श्रीरामस्य पात्रे दृश्यते। तेन उक्तं यत् ‘रामायण’-कार्यस्य समाप्तेः अनन्तरं तस्य सम्पूर्णं ध्यानं ‘ब्रह्मास्त्रम्-२’ उपरि भविष्यति, तथा ‘एस्ट्रावर्स’ इत्यस्य विस्तारः अपि क्रियते।

उल्लेखनीयं यत् ‘ब्रह्मास्त्रम्’ नाम चित्रपटः २०२२ तमे वर्षे प्रदर्शितः आसीत्, यस्य निर्माणे प्रायः चत्वारि वर्षाणि व्यतीतानि। प्रायः ४०० कोटि-रूप्यक-व्यये निर्मितस्य अस्य चित्रपटस्य निर्माणं धर्मा प्रोडक्शंस इत्यनेन सह कृतम्। अस्मिन् चित्रपटे अमिताभबच्चनः, मौनीरॉयः, नागार्जुनः इत्यादयः प्रमुख-भूमिकासु आसन्, तथा शाहरुखखानः लघु-पात्रे (कैमियो) दृष्टः।अधुना अस्य द्वितीय-भागस्य विषये दर्शकानां मध्ये पुनः उत्साहः वर्धितः अस्ति।

हिन्दुस्थान समाचार / अंशु गुप्ता