Enter your Email Address to subscribe to our newsletters
लखनऊ,14 अप्रैलमासः( हि.स.)।
बहुजनसमाजपार्टी इत्यस्य दलस्य राष्ट्रियाध्यक्षा तथा उत्तरप्रदेशस्य पूर्वमुख्यमन्त्री मायावती अद्य प्रातःकाले लखनऊ-नगरे स्थिते दलस्य केंद्रीय-कार्यालये बाबासाहेब-डॉक्टर-भीमराव-आम्बेडकरस्य प्रतिमायां पुष्पाञ्जलिं समर्प्य तस्मै श्रद्धाञ्जलिम् अर्पितवती।
अस्मिन् अवसरे सा अवदत् यत् देशस्य सत्तायां सामन्ती-जातिवादी-चिन्तनस्य तथा शोषणकारी-तत्त्वानां निरन्तरं प्रभावेन बाबासाहेबस्य सर्वजनहितैषी संविधानं स्वलक्ष्यानि प्राप्तुं न सफलं भवति।
सा उक्तवती यत् अस्य समस्यायाः समाधानार्थं देशे राज्येषु च बाबासाहेबस्य “सर्वजनहिताय सर्वजनसुखाय” इति नीतिसिद्धान्तयुक्ता तस्याः दलस्य सरकारस्य निर्माणम् अत्यावश्यकम् अस्ति।
मायावती अवदत् यत् देशे एतादृशं संविधानं विद्यमानं सति अपि भारतदेशः अद्यापि आत्मनिर्भरः विकसितः च देशः भूत्वा अत्र निवसतां कोटिशः बहुजनानां जातिवादद्वेषात् अन्यायात् अत्याचारात् मुक्तं समतायुक्तं न्यायपूर्णं च जीवनं दातुं किमर्थं न समर्थः अभवत्। अस्य प्रश्नस्य उत्तरं अन्विष्य देशे बाबासाहेब-डॉक्टर-भीमराव-आम्बेडकरस्य “सामाजिकपरिवर्तनम् आर्थिकमुक्तिः” इति आन्दोलनः निर्वाचनसफलतां प्राप्त्वा स्वलक्ष्यं प्रति अवश्यमेव अग्रे गमिष्यति।
सा अग्रे अवदत् यत् जनानां दुःखसहनशक्तिः अस्ति इति न अर्थः यत् शासनानि तान् दारिद्र्य-पिछडत्वयोः अन्धकूपात् उद्धर्तुं, तेषां जीविकां न्याययुक्तं आत्मसम्मानपूर्णं च जीवनं दातुं स्वीयानि संवैधानिकानि वैधानिकानि च उत्तरदायित्वानि सम्यक् न निर्वहेयुः। एतादृशं कार्यं अम्बेडकरवादी-बसपा-दलस्य शासनकाले एव मुख्यतया सम्भवति।
लखनऊ-नगरस्य गोमतीनगर-क्षेत्रे स्थिते डॉक्टर-भीमराव-सामाजिक-परिवर्तन-स्थले अपि अनुयायिनः आम्बेडकर-स्मारके आगत्य डॉक्टर-आम्बेडकरस्य प्रतिमायां पुष्पाणि समर्प्य श्रद्धां प्रकटितवन्तः। अस्य कृते मायावती सर्वेषां प्रति आभारं व्यक्तवती तथा एतत् आश्वासनम् अपि दत्तवती यत् तेषां प्रयासाः उत्तरप्रदेशे अवश्यमेव सफलतां प्राप्स्यन्ति।
---------------
हिन्दुस्थान समाचार