Enter your Email Address to subscribe to our newsletters
मंदसौरम्, 14 अप्रैलमासः (हि.स.)।
मध्यप्रदेशराज्यस्य मंदसौर नगरे मङ्गलवासरे भारत रत्न डॉ. भीमराव अंबेडकर जयंती अवसरे जिलास्तरीयः कार्यक्रमः कुशाभाऊ ठाकरे ऑडिटोरियम मध्ये सम्पन्नः।
अस्मिन् अवसरे सांसदः सुधीर गुप्ता उक्तवान् यत् डॉ. भीमराव अंबेडकर भारतस्य संविधानं सशक्तं, व्यवस्थितं समावेशि च रूपं दत्तवान्। तेन समाजस्य सर्वेषां वर्गाणां कृते समानाधिकारप्रदानस्य दिशि ऐतिहासिकं कार्यं कृतम्। अद्य भारतं यया शक्त्या प्रतिष्ठया च विश्वपटलस्य उपरि स्थितम् अस्ति, तस्मिन् डॉ. भीमराव अंबेडकर महत्त्वपूर्णं योगदानम् अस्ति। तेन संविधाने निहिता या समानता, न्यायः विकासश्च, तस्याः अनुरूपं देशः निरन्तरं प्रगतिं करोति।
कार्यक्रमस्य शुभारम्भः डॉ. भीमराव अंबेडकर प्रतिमायां दीपप्रज्वलनं माल्यार्पणं च कृत्वा कृतः।
अस्मिन् कार्यक्रमे जिला पंचायताध्यक्षः दुर्गा विजय पाटीदार, पूर्वविधायकः यशपाल सिंह सिसोदिया, नगरपालिकाध्यक्षः रमादेवी गुर्जर, सहित अदिती गर्ग (जिलाधिकारी), विनोद कुमार मीना (पुलिस अधीक्षकः) अन्ये च प्रशासनिकाधिकारीणः, जनप्रतिनिधयः, पत्रकाराः तथा बहवः नागरिकाः उपस्थिताः आसन्।
कार्यक्रमस्य अन्ते अतिथिभिः आदिमजातिकल्याणविभागस्य विविधयोजनानां अन्तर्गतं अन्तरजातीयविवाहप्रोत्साहनयोजनायाः लाभार्थिभ्यः प्रशस्तिपत्राणि द्वौ-द्वौ लक्षरूप्यकाणि च प्रोत्साहनरूपेण प्रदत्तानि। अन्येषां योजनानां लाभार्थिनः अपि मञ्चात् सम्मानिताः।
---------------
हिन्दुस्थान समाचार