Enter your Email Address to subscribe to our newsletters
मण्डी-जनपद:, १४ अप्रैलमासः (हि.स.)। मण्डी-जनपदस्य बल्ह-क्षेत्रे स्थिते नलसर-प्रदेशे द्विदिवसीयस्य पारम्परिक-मेलापकस्य शुभारम्भः आरक्षक-विभागात् सेवानिवृत्तेन उप-निरीक्षक-ज्ञानचन्देन कृतः। अस्मिन् अवसरे नलसरस्य ऐतिहासिक-निर्झरस्य तीरे भव्यः कार्यक्रमः आयोजितः, यस्मिन् क्षेत्रस्य सांस्कृतिकदृश्यं दृष्टुं लब्धम्। कार्यक्रमे विद्यालयीय-बालकैः, महिला-मण्डलैः तथा विविधैः सांस्कृतिक-दलानां कलाकारैः आकर्षकाः प्रस्तुतयः प्रदत्ताः। विशेषतया महिलाभिः प्रस्तुता पहाड़ी-नाटी दर्शकाणां मनांसि मोहितवती। अपरत्र विद्यालयीय-बालकानां रंगारंग-कार्यक्रमैः समारोहे चारुता अधिका अभवत्।
व्यापार-मण्डल-नलसरस्य तथा मेला-आयोजन-समित्याः प्रधानः हरीश-कुमारः अवदत् यत् मेलापकस्य द्वितीय-दिने पारम्परिक-जलेब-यात्रा निष्कास्यते, यस्मिन् क्षेत्रस्य देवी-देवताः श्रद्धया सहभागं करिष्यन्ति।
अस्मिन् अवसरे व्यापार-मण्डलस्य पंचायत-सचिवा लता-ठाकुरः, भारतीय-पब्लिक-विद्यालयस्य प्रधानाचार्यः धन्ना-रावतः, आयोजन-समित्याः सदस्याः विनोद-जसवालः, छांगू-रामः, कृष्ण-केशवः, ठाकुर-हीरा-ठाकुरः, कुलदीप-ठाकुरः, लालमनः, ईश्वर-दासः, कृष्ण-कुमारः, प्रभात-आनन्द-ठाकुरः, सूरज-सिंह-ठाकुरः, संतोषी-शर्मा, दीपक-ठाकुरः, जगदीश-ठाकुरः, गुरुदेव-ठाकुरः, अमित-शर्मा, प्रिंस-ठाकुरः, बिशन-दत्त-शर्मा, मुरारी-लाल-शर्मा तथा मुंशी-राम-शर्मा सहिताः अनेकाः गणमान्याः उपस्थिताः आसन्।
हिन्दुस्थान समाचार / अंशु गुप्ता