Enter your Email Address to subscribe to our newsletters
कानपुरम्, 14 अप्रैलमासः (हि.स.)।
सेवा सनातनसंस्कृतेः आधारशिला वर्तते, अस्याः उद्देश्यं च समाजस्य अन्तिमव्यक्तिं यावत् सहयोगं संवेदनां च प्रापयितुम् अस्ति। समरससमाजस्य निर्माणाय आपसी-सहभागिता अतीव आवश्यकी वर्तते। एतानि वचनानि मङ्गलवासरे क्षेत्रसेवाप्रमुखेण राधेश्यामेन उक्तानि।
विश्वहिन्दूपरिषदः कानपुरविभागस्य उत्तर-दक्षिणजनपदयोः सेवाविभागेन बस्तिषु, नगरेषु, मन्दिरप्राङ्गणेषु च नि:शुल्क-स्वास्थ्यशिविराणि आयोजितानि। एतेषां शिविराणाम् उद्देश्यं समाजस्य विभिन्नवर्गेभ्यः स्वास्थ्यसुविधानां प्रदापयितुम् आसीत्।
शिविरेषु 'मेडिकल कॉलेज' इत्यस्य चिकित्सकैः शताधिकानां जनानां स्वास्थ्यपरीक्षणं कृतम्। रुग्णेभ्यः आवश्यकपरामर्शदानेन सह औषधानां वितरणमपि कृतं, येन जनेषु स्वास्थ्यं प्रति जागरूकता वर्धिता।
अस्मिन् कार्यक्रमे प्रान्तसेवाप्रमुखः नरेन्द्रः, जिलाध्यक्षः सुशीलः, जिलामन्त्री युवराजः, अशोक सिंहः, प्रान्तसेवाटोलीसदस्यः उमेशः, जिलासमरसताप्रमुखः राजकुमारः, जिलासेवाप्रमुखः किशनः, शीलू, रजनी, शशिः, हर्षितः, राहुलः, सूरजः इत्यादयः अन्ये कार्यकर्तारः उपस्थिताः आसन्।
अस्मिन्नेव क्रमे दक्षिणजनपदस्य रविदासपुरमबस्त्यां, गुजैनीक्षेत्रे च डॉक्टर राजेशस्य तथा उत्कर्ष-चिकित्सालयस्य दलस्य सहयोगेन विशेषस्वास्थ्यशिविरम् आयोजितं, यस्मिन् विशालायां संख्यायां स्थानीयजनाः लाभान्विताः अभवन्।
अस्मिन् अवसरे क्षेत्रसेवाप्रमुखः राधेश्यामः, प्रान्तसेवाप्रमुखः नरेन्द्रः, सङ्गठनमन्त्री गोपालः, जिलामन्त्री नितिन जागरानी, नगराध्यक्षः रविः, नगरमन्त्री ऋषभः, शैलेन्द्रः, अजीतः इत्यादयः बहवः कार्यकर्तारः उपस्थिताः आसन्।
एतेषाम् आयोजनानां माध्यमेन समाजे सहयोगस्य जागरूकतायाः च सन्देशः प्रदत्तः।
हिन्दुस्थान समाचार