Enter your Email Address to subscribe to our newsletters
लखनऊ, 15 अप्रैलमासः (हि.स.)।
उत्तरप्रदेशस्य परिवहन-राज्यमन्त्री (स्वतन्त्रप्रभारः) दयाशंकर सिंह आदेशान् दत्तवान् यत् उत्तरप्रदेश-परिवहन-विभागः अपि भारत-सर्वकारस्य सड़क परिवहन एवं राजमार्ग मंत्रालय (मोर्थ) द्वारा निर्गतां ई-डिटेक्शन-प्रणालीम् अत्र प्रवर्तयिष्यति। सः अवदत् यत् एषा प्रणाली मार्गेषु यानानि यानि समुचित-अनुपालनं विना सञ्चरन्ति तेषां परिचयं कृत्वा तेषां विरुद्धं स्वयमेव ई-चालानं निर्गन्तुं समर्था अस्ति।
परिवहनमन्त्री उक्तवान् यत् उत्तरप्रदेश-परिवहन-विभागः अस्य राष्ट्रीय-उद्यमस्य अनुरूपेण प्रदेशे ई-डिटेक्शन-मॉड्यूलस्य प्रवर्तनाय दृढानि पदानि स्वीकृतवान्। तस्य क्रमस्य अन्तर्गतं राष्ट्रीय सूचना विज्ञान केंद्र लखनऊ इत्यस्मै ई-डिटेक्शन-मॉड्यूलस्य पायलट-परियोजनारूपेण लखनऊ-जनपदे इटौंजा-टोल-प्लाजा तथा बाराबंकी-जनपदे अहमदपुर-टोल-प्लाजयोः जीवित-रूपेण प्रवर्तनाय निर्देशाः दत्ताः। प्रथम-चरणस्य पायलट-परियोजनायाः सफलतायाः अनन्तरं एषा योजना समग्रे उत्तरप्रदेशे क्रमशः प्रवर्तिता भविष्यति।
परिवहनमन्त्री अवदत् यत् प्रथम-चरणे परिवहन-यानानां अन्तर्गत-यानानां फिटनेस, बीमा, पीयूसीसी (प्रदूषण-अवमुक्त-प्रमाणपत्रम्), एचएसआरपी, पंजीयन-प्रमाणपत्रस्य च परीक्षणं क्रियते। अपरिवहन-यानानां तु वैधता, अनप्रयोगः (नॉन-यूज), बीमा, पीयूसीसी, पंजीयन-प्रमाणपत्रस्य वैधता, एचएसआरपी इत्यादीनां परीक्षणं भविष्यति। एषा ई-डिटेक्शन-प्रणाली टोल-प्लाजात् गच्छतां नियम-उल्लंघन-कर्तॄणां यानानां स्वयमेव परिचयं कृत्वा ई-चालानं निर्गमयिष्यति।
अनेन परिवहन-प्रवर्तन-कार्ये शीघ्रता भविष्यति, वाहन-चालकानां मध्ये यातायात-नियमेषु अनुशासनं जागरूकता च वर्धिष्यते। फिटनेस, बीमा, पीयूसीसी, एचएसआरपी, पंजीयन-प्रमाणपत्रस्य वैधता विना सञ्चरद्भ्यः यानेभ्यः प्रभावी-नियन्त्रणं भविष्यति। सह पारदर्शी निष्पक्ष-प्रवर्तन-प्रणाली अपि प्रवर्तिता भविष्यति।
परिवहनमन्त्री अवदत् यत् एषा प्रणाली प्रदेशे सुशासनस्य स्मार्ट-प्रवर्तनस्य च दिशि एकं महत्त्वपूर्णं पदं सिद्ध्यति। सः सर्वेभ्यः वाहन-चालकेभ्यः स्वामिभ्यश्च अपीलं कृतवान् यत् ते स्वेषां यानानां फिटनेस, बीमा, पीयूसीसी तथा अन्य-अनुज्ञापत्राणि समये नवीनीकुर्युः।
हिन्दुस्थान समाचार