जयपुरम्, 15 अप्रैलमासः (हि.स.)।

जयपुर-लोकसभा-सांसदा मंजू शर्मा उक्तवती यत् यदा सरदार वल्लभभाई पटेल अहमदाबाद-नगरपालिकायाः अध्यक्षः आसीत्, तदा तेन महिलाभ्यः आसन-आरक्षणस्य पहलः कृतः आसीत्। नारी-शक्ति-वन्दन-अधिनियमस्य मूलभावोऽपि अयमेव अस्ति। अस्य अधिनियमस्य माध्यमेन संसद्-विधानसभयोः महिलाभ्यः त्रयस्त्रिंशत्-प्रतिशत-प्रतिनिधित्वं भविष्यति, येन शिक्षा, सुरक्षा, नीति-निर्माणादिषु महत्त्वपूर्णेषु विषयेषु महिलानां प्रत्यक्ष-भागीदारी भविष्यति।

जयपुर-नगरस्य बिड़ला-ऑडिटोरियमे बुधवासरे आयोजिते नारी-शक्ति-वन्दन-सम्मेलने संयोजिका सांसद् मंजू शर्मा उक्तवती यत् अस्य अधिनियमस्य माध्यमेन प्रधानमन्त्रिणः विकसित-भारत-संकल्पस्य पूर्तौ महिलाः अधिकं महत्त्वपूर्णां भूमिकां निर्वहिष्यन्ति। सा सर्वाः महिलाः आह्वयत् यत् अस्य अधिनियमस्य समर्थनार्थं 9667173333 इति सङ्ख्यायां मिस्ड-कालं कुर्वन्तु।

सांसदा मंजू शर्मा उक्तवती यत् नरेन्द्र मोदी इत्यस्य मतम् अस्ति यत् अस्माकं समाजः देशश्च तदैव प्रगच्छेत्, यदा महिलाः सर्वेषु क्षेत्रेषु सहभागितां निर्वहन्ति। अस्माकं सनातन-संस्कृतौ महिला-सशक्तीकरणे विशेषः बलः प्रदत्तः अस्ति। सर्वेषु क्षेत्रेषु महिलाः सदा अग्रे स्थापिताः सन्ति। महिलाः देश-प्रदेशयोः विकासे अपि उत्साहेन भागं वहन्ति। अद्य महिलाः सर्वेषु क्षेत्रेषु स्व-प्रतिभायाः ध्वजं वहन्ति। सांसद् शर्मा मोदी-सरकारस्य राज्य-सरकारस्य च महिलाभ्यः आरब्धानां योजनानाम् अपि उल्लेखं कृतवती।

---------------

हिन्दुस्थान समाचार