Enter your Email Address to subscribe to our newsletters
श्रीनगरम्, 15 अप्रैलमासः (हि.स.)।अपर-पुलिस-महानिदेशकः (प्रशासनम्) एपी अंशुमान चारधाम-यात्रां प्रति सुरक्षाया यातायात-प्रबन्धनस्य च विषये कठोरान् निर्देशान् अददात्। तेन अधिकारिणः आदेशिताः यत् यात्रा-मार्गेषु पर्याप्तं पुलिस-बलं नियोजयन्तु, यातायातस्य सुचारु-सञ्चालनं सुनिश्चितं कुर्वन्तु, प्रमुख-स्थलेषु बैरिकेडिंग् तथा संकेत-पट्टिकाः स्थापयन्तु च।
पौड़ी-जनपदस्य श्रीनगर-नगरे बुधवासरे आयोजितायां समीक्षा-सभायाम् एडीजी महोदयेन सम्भावित-भारी-श्रद्धालु-सङ्ख्या, यातायात-दबावः, दुर्घटना-सम्भाव्य-स्थानानि (ब्लैक-स्पॉट्), संवेदनशील-क्षेत्राणां सुरक्षा, पार्किंग-प्रबन्धनम्, मार्ग-विचलन-योजना च विस्तारतः चर्चिता।
अपर-पुलिस-महानिदेशकः सीसीटीवी-निरीक्षणं, नियन्त्रण-कक्षस्य सक्रियता, चिकित्सक-उद्धार-दलैः सह उत्तम-समन्वयस्य पालनं च कर्तुं निर्देशितवान्। अपि च धामेषु मौसम-स्थिति, मार्ग-स्थिति, श्रद्धालूनां सङ्ख्या च इत्येषां यथाकालीन-निगराणीं कृत्वा यात्रिभ्यः समये समये सूचना प्रदातुं निर्दिष्टवान्।
एडीजी महोदयेन अधिकारिणः अपि निर्देशिताः यत् कर्तव्ये नियुक्तानां कर्मिणां नियमित-परामर्शः (ब्रीफिंग्) दीयताम् तथा श्रद्धालुभिः सह सौहार्दपूर्णं व्यवहारं सुनिश्चितं क्रियताम्। सः अवदत् यत् श्रीनगर-नगरं यात्रायाः प्रमुखः विश्राम-स्थानम् अस्ति, अतः अत्र सर्वाः व्यवस्थाः समये पूर्णाः क्रियन्ताम्, येन यात्रिभ्यः स्थानीय-जनानां च काचिदपि असुविधा न भवेत्।
अस्यां सभायां क्षेत्राधिकारी श्रीनगर अनुज-कुमारः, क्षेत्राधिकारी पौड़ी तुषार-बोरा, प्रभारी-निरीक्षकः कुलदीप-नेगी, प्रभारी-महिला-थाना प्रियंका-भारद्वाज इत्यादयः अन्ये च अधिकारी उपस्थिताः आसन्।
हिन्दुस्थान समाचार