Enter your Email Address to subscribe to our newsletters
नव दिल्ली, 16 अप्रैलमासः (हि.स.)।प्रधानमन्त्री नरेन्द्रमोदी तथा ऑस्ट्रियादेशस्य चान्सलरः क्रिश्चियनस्टॉकर इत्येतयोः मध्ये गुरुवासरे अत्र हैदराबाद-हाउस्-स्थले प्रतिनिधिमण्डल-स्तरीया महत्वपूर्णा वार्ता अभवत्। अस्मिन् समये उभयोः देशयोः मध्ये द्विपक्षीय-सहयोगस्य सुदृढीकरणाय चर्चा कृता। उभयोः राष्ट्रयोः मध्ये खाद्य-सुरक्षा सहिताः अनेकाः समझौताः अभवन्।
अस्मिन् उपवेशने विदेशमन्त्री डॉ एस जयशंकर तथा वाणिज्य-उद्योगमन्त्री पीयूषगोयल अपि उपस्थितौ आस्ताम्। वार्तायां व्यापार, निवेश, प्रौद्योगिकी तथा वैश्विक-विषयेषु सहयोग-वृद्धये उपायानां विषये विचार-विमर्शः कृतः।
अतः पूर्वं चान्सलर स्टॉकरः नवीदिल्ली-स्थितं राजघाटं गत्वा महात्मा गान्धिं प्रति श्रद्धांजलिं अर्पितवान्। तेन तत्र पुष्पांजलिः समर्पिता तथा गान्धिजी इत्यस्य शान्ति, अहिंसा, वैश्विक-सद्भाव इत्येतान् सन्देशान् स्मृतवान्।
विदेशमन्त्रालयस्य प्रवक्ता रणधीरजायसवालः सामाजिक-माध्यमे एक्स इति माध्यमे उक्तवान् यत् ऑस्ट्रियादेशस्य चान्सलरः बापू इत्यस्य आदर्शान् स्मृत्वा राजघाटे श्रद्धांजलिं दत्तवान् तथा तेषां सार्वकालिक-सन्देशेषु चिन्तनं कृतवान्।
------------
हिन्दुस्थान समाचार