Enter your Email Address to subscribe to our newsletters
भोपालनगरम्, १६ अप्रैलमासः (हि.स.)।मध्यप्रदेशस्य मुख्यमन्त्री डॉ.मोहन-यादवः अद्य गुरुवासरे सिवनी-मालवा-नगरे नर्मदापुरम्-टिमरनी-मार्गस्य (राज्य-राजमार्ग-६७) इण्टरमीडिएट्-स्तरात् द्वि-लेन-पक्क-शोल्डर-सहितस्य हाइब्रिड्-एन्युटी-मॉडल् (एच.ए.एम.) अन्तर्गतं उन्नयन-पुनर्निर्माण-कार्यस्य भूमिपूजनं करिष्यति।
जनसम्पर्क-अधिकारी रश्मि-देशमुख इत्यनया प्रदत्तया सूचनया ज्ञातं यत् नर्मदापुरम्-टिमरनी-मार्गस्य दीर्घता ७२.१८ किलोमीटरम् अस्ति तथा अस्य व्ययः ९७२.१६ कोटि-रूप्यकाणि अस्ति। निर्माण-कार्यं एम.पी.आर.डी.सी. इत्यनया संस्थया करिष्यते।
सा अपि अवदत् यत् मुख्यमन्त्री डॉ.यादवः प्रथमं दक्षिणमुखी-हनुमान-मन्दिरे पूजन-अर्चनं कृत्वा शोभायात्रा करिष्यति। एषा शोभायात्रा रेंज-ऑफिस-चतुष्पथः, कल्लू- चतुष्पथः, नर्मदा-मन्दिर- चतुष्पथः, सराफा-बाजार, गांधी- चतुष्पथः, जय-स्तम्भ- चतुष्पथः इत्यादीनि स्थानानि अतिक्रम्य पुरातन-बस-स्थानके समाप्तिं गमिष्यति।
जनसम्पर्क-अधिकारीण्या अनुसारं, कृषि-उपज-मण्डी सिवनी-मालवा-स्थले आयोजिते कार्यक्रमे मुख्यमन्त्री डॉ.यादवः १०६.३४ कोटि-रूप्यकाणां विविध-कार्याणां लोकार्पणं भूमिपूजनं च करिष्यति। एतेषु ४८.६५ कोटि-रूप्यकाणां ४५ कार्याणि तथा ५७.६९ कोटि-रूप्यकाणां ५१ कार्याणि भूमिपूजनार्थं समाविष्टानि सन्ति। मुख्यमन्त्री डॉ.यादवः विविध-योजनानां हितग्राहिभ्यः लाभ-वितरणं अपि करिष्यति।
हिन्दुस्थान समाचार / अंशु गुप्ता