Enter your Email Address to subscribe to our newsletters
जौनपुरम् ,16 अप्रैलमासः (हि.स.)। उत्तरप्रदेशस्य जौनपुरे भारतीयजनतापक्षेण “नारीशक्ति वन्दन अधिनियमस्य” समर्थनार्थ गुरुवासरे पक्षकार्यालये विधानसभास्तरीय नारीसम्मेलनस्य आयोजनम् अभवत्। अस्य कार्यक्रमस्य मुख्यातिथिः पूर्वगृहराज्यमंत्री कृपाशङ्करः सिंहः आसीत्।
कार्यक्रमे सम्बोधयन् पूर्वगृहराज्यमंत्री तथा पूर्वलोकसभाप्रत्याशी कृपाशङ्करः सिंहः उक्तवान् यत् अस्य सम्मेलनस्य मुख्योद्देशः महिलानां अधिकाराणां सम्मानस्य च राजनीतिकभागीदारेः सशक्तीकरणस्य विषये जागरूकतां प्रसारयितुम् आसीत्। भारतीयजनतापक्षः महिलासशक्तीकरणाय निरन्तरं कार्यं कृतवान् अस्ति।
तेन केन्द्रराज्यसरकारयोः विविधाः योजनाः उल्लिखिताः याः महिलाः आत्मनिर्भराः कर्तुं महत्त्वपूर्णां भूमिकां निर्वहन्ति। तासु उज्ज्वला योजना, प्रधानमन्त्रिणः आवास योजना, मातृत्व वन्दना योजना इत्यादयः प्रमुखाः उपक्रमाः सन्ति, ये महिलानां जीवनस्तरं सुधारयितुं साहाय्यं कृतवन्तः।
प्रधानमन्त्रिणा नारीशक्ति वन्दन अधिनियमस्य विषये विशेषसत्रस्य आयोजनम् कृतम् अस्ति। एषः निर्णयः महिलासशक्तीकरणस्य प्रति सरकारस्य गम्भीरतां दर्शयति। तेन उक्तं यत् अस्य अधिनियमस्य माध्यमेन महिलाभ्यः विधायिकायां उचितं प्रतिनिधित्वं प्राप्स्यति, येन लोकतन्त्रं अधिकं दृढं भविष्यति।
अस्मिन् अवसरे शशि मौर्यः, सीमा प्रजापति, आशा, प्रमिला इत्यादयः सह शताधिकाः महिलाशक्तयः उपस्थिताः आसन्।
हिन्दुस्थान समाचार