वाराणसीनगरम्, १६ अप्रैलमासः। काशी-हिन्दू-विश्वविद्यालयस्य कृषि-विज्ञान-संस्थाने १८–१९ अप्रैल-दिनयोः “एग्रो-इण्डस्ट्रीज्-अकादमिया-किसान-सम्मेलन-२०२६” इत्यस्य आयोजनं भविष्यति। अस्मिन् सम्मेलन देशस्य विभिन्न-भागेभ्यः कृषकाः, वैज्ञानिकाः, उद्योग-प्रतिनिधयः, स्टार्टअप्-प्रतिष्ठानानि च सहभागिनः भविष्यन्ति।

कृषि-उद्योगानां, कृषकाणां च शिक्षाजगतः मध्ये समन्वय-स्थापनाय दूरदर्शिनः प्रयत्नस्य अन्तर्गतं अस्मिन् सम्मेलने विविधानि तकनीकी-सत्राणि, पैनल-चर्चाः, उद्योग-प्रस्तुतयः तथा प्रदर्शनीः आयोज्यन्ते। अस्य सह प्रगतिशील-कृषकाणां, कृषक-उत्पादक-संघानां (एफपीओ) तथा उद्योग-जगतः मध्ये प्रत्यक्ष-संवादः अपि स्थाप्यते, येन तेभ्यः व्यावसायिक-अवसरैः सह संयोजनं सफलतया भविष्यति।

गुरुवासरे एषा सूचना कृषि-विज्ञान-संस्थानस्य, बीएचयू इत्यस्य निदेशकः प्रो.उदय-प्रताप-सिंहः प्रदत्तवान्। तेन उक्तं यत् एतत् द्विदिवसीयं सम्मेलनं कृषि-क्षेत्रे नवीनतम-प्रौद्योगिकी, उत्पादाः तथा नवाचाराः इत्येतेषां प्रदर्शनेन सह ज्ञान-अनुभवयोः आदान-प्रदानस्य सशक्तं मंचं प्रदास्यति। अस्मिन् सम्मेलने बीजम्, उर्वरकाणि, कीटनाशकानि, कृषि-यन्त्राणि, खाद्य-दुग्ध-प्रक्रियाकरणम्, कुक्कुट-पालनम् तथा पशु-आहार-सम्बद्ध-उद्योगाः स्टार्टअप्-प्रतिष्ठानानि च सक्रियतया भागं गृह्णन्ति।

अस्य उद्देश्यं कृषि-उद्योग-कृषक-शिक्षा-क्षेत्राणां समन्वयः अस्ति। सम्मेलनस्य अन्तर्गतं तकनीकी-सत्राणि, पैनल-चर्चाः, उद्योग-प्रस्तुतयः तथा प्रदर्शिन्यः आयोज्यन्ते। एषः मंचः नवाचार-प्रोत्साहनं, ज्ञान-विनिमयं तथा कृषकाणां आय-वृद्धौ सहायकः भविष्यति।

हिन्दुस्थान समाचार / अंशु गुप्ता