लखनऊनगरम्, १६ अप्रैलमासः (हि.स.)। उत्तरप्रदेशे मुख्यमन्त्री-युवा-योजनायाः अन्तर्गतं यूनां सहभागिता-वृद्ध्यर्थम् अस्मिन् वर्षे (२०२६–२७) १.५ लक्ष-यूनः संयोजयितुं लक्ष्यं निर्धारितम्। प्रथम-चरणे ५० जनपदाः, द्वितीय-चरणे २५ जनपदाः च अस्मिन् योजनायां सम्मिलिताः सन्ति।

यूनः स्वरोजगारेण सह संयोजयितुं, तेषां च बैंक-प्रक्रियासु दक्षतां वर्धयितुं गोमती-नगरे सर्टिफाइड-क्रेडिट-काउंसलराणां विशेष-प्रशिक्षणम् आरब्धम्। प्रशिक्षणोत्तरं ९० प्रमाणित-परामर्शदातारः (काउंसलराः) प्रदेशस्य विभिन्न-जनपदेषु नियुक्ताः भविष्यन्ति। एते लाभार्थिनः ऋण-प्राप्तौ, तथ्य-सज्जा, परियोजना-निर्माणे च साहाय्यं करिष्यन्ति।

यूपीकॉन-संस्थायाः प्रबन्ध-निदेशकः प्रवीण-सिंहः अवदत् यत् एते परामर्शदातारः उद्यमिनां धनागाराणां च मध्ये सेतु-रूपेण कार्यं करिष्यन्ति। ते ऋण-योजनानां सूचना, प्रकल्प-प्रतिवेदन-निर्माणं, वित्तीय-विवरण-सज्जायै च साहाय्यं करिष्यन्ति। प्रशिक्षणे क्रेडिट-रेटिङ्ग्, सिबिल-स्कोरः तथा नव-हरित-प्रकल्पानां महत्त्वम् अपि प्रकाश्यते।

एषा योजना यूनां आत्मनिर्भरता-वर्धने, वित्तीय-समावेशन-सुदृढीकरणे तथा एमएसएमई-क्षेत्रस्य सशक्तीकरणे महत्त्वपूर्णं योगदानं दास्यति। एषः कार्यक्रमः सिड्बी तथा आईआईबीएफ संस्थाभ्यां सह सञ्चालितः अस्ति, यः आरबीआई-अनुमोदितः सन् प्रदेशे व्यापकतया प्रवर्तते।

हिन्दुस्थान समाचार / अंशु गुप्ता