Enter your Email Address to subscribe to our newsletters
कोलकातानगरम्, १६ अप्रैलमासः (हि.स.)। पश्चिम-बङ्ग-राज्ये आसन्न-विधानसभा-निर्वाचनं २०२६ प्रति राजनीतिक-गतिविधयः तीव्रतां प्राप्ताः सन्ति। अस्यां परिप्रेक्ष्ये उत्तरप्रदेशस्य मुख्यमन्त्री योगी-आदित्यनाथः गुरुवासरे आसनसोल-नगरस्य बाराबनी-विधानसभा-क्षेत्रे भारतीय-जनता-पक्षस्य प्रत्याशी अरिजीत-रायस्य समर्थनार्थं विशालां जनसभां सम्बोधितवान्।
सः तृणमूल-कांग्रेसः, कांग्रेसः तथा वामपन्थी-दलानां प्रति तीव्र-आरोपान् कृत्वा उक्तवान् यत् राज्ये अराजकता, हिंसा तथा दस्यु-राजस्य वातावरणं वर्तते इति। तेन आरोपितं यत् विकासार्थं आगच्छन्तः संसाधनाः भ्रष्टाचारस्य कटमनी-व्यवस्थायाः च कारणेन बाधिताः भवन्ति।
योगी-आदित्यनाथः उत्तरप्रदेशस्य उदाहरणं दत्त्वा उक्तवान् यत् तत्र भाजपा-शासनानन्तरं न्याय-व्यवस्था सुदृढा अभवत् तथा अपराध-नियन्त्रणं कृतम्। सः अपि अवदत् यत् दस्यु-विरुद्धं कठोर-कार्यवाही कृत्वा विकास-कार्याणि गतिं प्राप्तवन्ति।
अन्ते सः मतदातॄन् आह्वयन् उक्तवान् यत् भयात् विमुक्ताः भूत्वा मतदानं कृत्वा राज्ये परिवर्तनं साधनीयम्, येन पश्चिम-बङ्गं पुनः विकास-मार्गे अग्रे गन्तुं शक्नोति।
हिन्दुस्थान समाचार / अंशु गुप्ता