Enter your Email Address to subscribe to our newsletters
जयपुरम्, 17 अप्रैलमासः (हि.स.)।
शान्त-प्राकृतिक-परिवेशेन समृद्धया सांस्कृतिक-परिचयेन च प्रसिद्धः सोमेसरः अधुना रेल-आधारभूत-संरचना-क्षेत्रे अपि नवीनां परिचयं निर्माति। उत्तर-पश्चिम-रेलवे-अजमेर-मण्डल-अन्तर्गतः सोमेसर-रेलवे-स्थानकस्य ‘अमृत-स्थानक-योजना’ इत्यस्य अन्तर्गतं पुनर्विकास-कार्यं प्रायः सम्पन्नं जातम्। प्रायः १९.३५ कोटि-रूप्यक-व्ययेन स्थानकं आधुनिक-सुविधाभिः सुसज्जितं कृतम्, येन यात्रिकाणां श्रेष्ठतरः अनुभवः भविष्यति।
उत्तर-पश्चिम-रेलवे-प्रमुख-जनसम्पर्क-अधिकारी अमित-सुदर्शनस्य अनुसारं वर्तमानकाले सोमेसर-स्थानके दश-रेलयानानां स्थगनं भवति तथा अत्र प्रति-दिनं प्रायः ७५० यात्रिकाः गच्छन्ति। अतः स्थानकस्य आधुनिकीकरणेन स्थानीय-यात्रिकाणां सह क्षेत्रीय-संयोजने अपि सुदृढता भविष्यति।
भारतीय-रेलस्य महत्त्वाकाङ्क्षिणी ‘अमृत-स्थानक-योजना’ अन्तर्गतं स्थानकस्य मुख्य-भवनस्य पूर्ण-नवीनीकरणं कृतम्। यात्रिकाणां सुगम-आगमन-निर्गमनार्थं प्रवेश-निर्गम-द्वाराणि भव्य-रूपेण निर्मितानि। स्थानक-परिसरस्य सौन्दर्य-वृद्ध्यर्थं बाह्य-भित्तिषु विशेष-दीप-व्यवस्था तथा अलङ्कार-कार्यं कृतम्।
यात्रिक-सुविधां दृष्ट्वा अत्र आधुनिक-आसन-व्यवस्था, डिजिटल-सूचना-पट्टाः, उच्च-स्तरीय-प्लेटफार्माः, नवीन-छादनानि च स्थापितानि। उत्तमा प्रकाश-व्यवस्था अपि सुनिश्चिता, येन रात्रौ अपि काचित् असुविधा न भवेत्। पुनर्विकास-कार्ये दिव्याङ्गजनानां कृते विशेष-व्यवस्था कृताः—स्पर्श-पथः, रैम्पः, समर्पित-स्थापन-स्थानम्, विशेष-शौचालयाः च निर्मिताः, येन सर्वेभ्यः यात्रिकेभ्यः समान-सुविधा लभ्यते।
यात्रिक-सुरक्षार्थं स्थानके ‘कैटल-गार्ड’ स्थापिताः। अतिरिक्तं लिफ्ट-सुविधा अपि प्रदत्ता, येन प्लेटफार्म-प्राप्तिः सुलभा जाता। स्थानक-बाह्य-परिसरे सञ्चरण-क्षेत्रस्य अपि व्यापक-सौन्दर्यीकरणं कृतम्, येन यातायात-स्थापन-व्यवस्था च सुगठिता भवति।
सोमेसर-स्थानकस्य अस्य रूपान्तरणस्य उद्देश्यः केवलं मूलभूत-सुविधानां विस्तारः न, अपि तु क्षेत्रस्य पर्यटन-व्यापार-क्रियाकलापानां प्रोत्साहनम् अपि अस्ति। उत्तम-रेल-सुविधाभिः अत्र आगच्छतां पर्यटकानां संख्या वर्धिष्यते, येन स्थानीय-अर्थव्यवस्था अपि वेगेन प्रवर्तिष्यते।
---------------
हिन्दुस्थान समाचार