नवदेहली, 17 अप्रैलमासः (हि.स.)।प्रधानमन्त्री नरेन्द्र मोदी अद्य पुनः एकवारं देशस्य मातृ-भगिनी-पुत्रीणां स्मरणं कृत्वा ताभ्यः आशीर्वादवर्षणस्य कृपां याचितवान्। प्रधानमन्त्री 'X' पटले साझाकृते सुभाषिते उक्तवान् यत्, ''अस्माकं नारीशक्तिः एकस्य सशक्तभारतस्य परिचयः अस्ति। अद्य देशस्य मातरः, भगिन्यः, पुत्र्यः च स्वकीयेन अटूटसङ्कल्पेन, निष्ठया, सेवाभावेन च प्रत्येकस्मिन् क्षेत्रे भारतवर्षस्य गौरवं वर्धयन्ति।''

​सः श्रीदुर्गासप्तशत्याः चतुर्थाध्यायस्य (शक्रयादिस्तुतिः/शाकम्भरी स्तुतिः) श्लोकस्य उल्लेखं कृतवान् -

​देव्या यया ततमिदं जगदात्मशक्त्या निश्शेषदेवगणशक्तिसमूहमूर्त्या।

तामम्बिकामखिलदेवमहर्षिपूज्यां भक्त्या नताः स्म विदधातु शुभानि सा नः॥

​अस्य श्लोकस्य व्याख्यां कुर्वन् सः अवदत् यत्, तया (देव्या) स्वशक्त्या एव अस्य ब्रह्माण्डस्य रचना कृता। सा सर्वेषां देवतानां शक्तीनां सामूहिकस्वरूपेण अवतरिता अस्ति।

​प्रधानमन्त्री मोदी अलिखत् यत्, ''मातुः आराधना सर्वे देवाः महान्तः ऋषयः च समानरूपेण कुर्वन्ति, वयं च तस्याः सम्मुखे श्रद्धापूर्वकं नमामः। सा देवी अस्मासु स्वकीयं मङ्गलमयं आशीर्वादं वर्षतु।'' उल्लेखनीयं वर्तते यत् अयं श्लोकः देव्याः सर्वव्यापी-शक्तिस्वरूपायाः रूपस्य स्तुतिं करोति। अस्य स्तुत्या ज्ञानं, बलं, शक्तिः च प्राप्यते।

---------------

हिन्दुस्थान समाचार