Enter your Email Address to subscribe to our newsletters
कानपुरम् 17 अप्रैलमासः (हि.स.)।स्वरूप-नगर-स्थिते राम-कृपा-परिसरे आयोजितः सन्त-समागमः भव्य-धार्मिक-कार्यक्रमः च श्रद्धालून् आध्यात्मिक-वातावरणे निमग्नान् अकरोत्। कार्यक्रमस्य समये वृन्दावनात् आगतैः कलाकारैः भगवान् श्रीकृष्णस्य मनोहर-रासलीला प्रस्तुताऽभवत्, यां दृष्ट्वा उपस्थिताः जनाः भाव-विभोराः अभवन्। मंचनं तावत् जीवंतम् आसीत् यत् दर्शकाः साक्षात् भगवानः दर्शनम् अनुभूतवन्तः इव अभवन्।
अस्मिन् आयोजने देश-विदेशेभ्यः अनेकाः प्रमुखाः सन्त-महात्मानः उपस्थिताः अभवन् तथा स्वाशिषैः वातावरणं अधिकं पावनम् अकरोत्। जूना-अखाडा-संबद्धाः सन्ताः, रामानुज-परम्परायाः आचार्याः तथा विविध-धामेभ्यः आगताः महामण्डलेश्वर-स्तरस्य सन्ताः अपि कार्यक्रमस्य गरिमां वर्धितवन्तः। वृन्दावनात् अन्येभ्यः तीर्थ-स्थलेभ्यः च आगताः सन्ताः भक्ति-साधना-सनातन-परम्परायाः महत्त्वं विषये स्वविचारान् व्यक्तवन्तः।
कार्यक्रमस्य आयोजकः समाज-सेवी चरणजीत-मेहरा उक्तवान् यत् स्वस्य जीवनस्य ८० वर्ष-पूर्तेः उपलक्ष्ये अयं विशेष-आयोजनः कृतः। सः अवदत् यत् एतत् तस्य भाग्यस्य क्षणः अस्ति यत् एते महान्तः सन्त-महात्मानः एकत्र सान्निध्यं दत्तवन्तः। सः स्वजीवनं ईश्वर-भक्त्यै समर्पितवान् इति उक्त्वा समये समये धार्मिक-आयोजनानां माध्यमेन समाजे आध्यात्मिक-चेतनां जागरयितुं प्रयत्नं करोति इति अपि अवदत्।
समारोहे भजन-कीर्तनं कथा-श्रवणं भण्डार-आयोजनं च कृतम्, यस्मिन् बहवः श्रद्धालवः सहभागीभूताः। सम्पूर्णः परिसरः भक्तिमय-वातावरणे निमग्नः आसीत्, सर्वत्र “राधे-राधे” तथा “जय श्रीकृष्ण” इति जयघोषाः निनदन्तः आसन्।कार्यक्रमस्य मुख्यः उद्देश्यः सनातन-धर्मस्य प्रचार-प्रसारः तथा नूतन-पीढीं स्वसंस्कृत्या सह संयोजयितुम् आसीत्। सन्ताः स्वसन्देशे उक्तवन्तः यत् वर्तमान-काले भक्तिरेव मनुष्यं शान्तेः मोक्षस्य च मार्गं दर्शयितुं समर्था अस्ति।
हिन्दुस्थान समाचार