Enter your Email Address to subscribe to our newsletters
प्रयागराजः, 17 अप्रैलमासः (हि.स.)।
भीषण-उष्णतायाः मध्ये पशूनाम् अपि तापमानस्य प्रतिकूलः प्रभावः दृश्यते। अतः पशुपालकैः विशेषा सावधानी अवलम्बनीया, येन पशवः हीट्-स्ट्रोक्-रोगात् रक्षिताः स्युः। एतदाह्वानं शुक्रवासरे प्रयागराज नगरस्य मुख्य-पशु-चिकित्साधिकारी डॉ शिवनाथ यादव कृतवान्।
डॉ. शिवनाथ यादव उक्तवान् यत् ग्रीष्म-ऋतौ पशूनां भूखः न्यूनः भवति, येन तेषां स्वास्थ्ये दुग्ध-उत्पादने च प्रत्यक्षः प्रभावः भवति। उच्च-तापमाने पशुषु हीट्-स्ट्रोक्-रोगस्य जोखिमः वर्धते, यः कदाचित् प्राणघातकः अपि भवितुं शक्नोति।
तेन पशुपालकान् प्रति परामर्शः दत्तः यत् पशुभ्यः दिने बहुवारं स्वच्छं शीतलं च जलं दातव्यम्। पशुशालायां सम्यक् वातायन-व्यवस्था भवेत्, येन वायोः सञ्चारः सुगमः स्यात् तथा च तापमानं नियन्त्रितं भवेत्। अन्यत् च, पशून् सूर्यतापात् रक्षितुं छायायुक्त-स्थानस्य व्यवस्था अत्यावश्यकी अस्ति।
डॉ. यादव उक्तवान् यत् समये समये पशूनां निरीक्षणं, सन्तुलित-आहारः, स्वच्छता च विशेषतया पालनम् आवश्यकम्। एतेषां उपायानां पालनात् पशवः उष्णतायाः दुष्प्रभावात् रक्षिताः भवितुं शक्नुवन्ति। सः अपि अवदत् यत् ग्रीष्मकाले सम्यक् प्रबन्धनेन एव पशूनां सुरक्षा सुनिश्चितं कर्तुं शक्यते।
---------------
हिन्दुस्थान समाचार