चेन्नई, 17 अप्रैलमासः (हि.स.)।

तमिलनाडु राज्यस्य विधानसभा-निर्वाचनार्थं शासन-प्रशासन-स्तरेषु सिद्धताः अन्तिमरूपेण परिष्क्रियन्ते। राज्यस्य सर्वेषु मतदानकेन्द्रेषु सुरक्षितं पेयजलम्, शौचालयाः तथा पर्याप्तं विद्युत्-प्रकाशस्य व्यवस्था कृता अस्ति। वृद्धानां दिव्याङ्गानां च सुविधार्थं रैम्पाः, व्हीलचेयर्-यानानि तथा भूतलस्थितानि मतदानकेन्द्राणि स्थापितानि सन्ति।

तमिलनाडु-राज्ये एप्रिल-मासस्य २३ दिनाङ्के मतदानं भविष्यति। भारत निर्वाचन आयोग तथा तमिलनाडु-राज्यस्य मुख्यनिर्वाचनाधिकारी-कार्यालयं निर्वाचनस्य सिद्धताः अन्तिमरूपेण संयोजयतः। अस्मिन् निर्वाचनप्रक्रियायां जनाः विना कष्टं स्वस्य लोकतान्त्रिकं कर्तव्यं निर्वर्तयितुं शक्नुयुः इति हेतोः प्रत्येकस्मिन् मतदानकेन्द्रे “न्यूनतम-निश्चित-सुविधाः” उपलब्धाः करिष्यन्ते। अस्य विषये जागरूकता-वीडियोऽपि प्रकाशितः अस्ति।

राज्यस्य मुख्यनिर्वाचनाधिकारी-कार्यालयेन विज्ञप्तिः प्रदत्ता यत् सर्वेषु मतदानकेन्द्रेषु पेयजलस्य तथा सम्यक् मार्गदर्शक-चिह्नानां व्यवस्था भविष्यति। मतदातारः स्वीयं भागं क्रमाङ्कं च सुगमतया ज्ञातुं शक्नुयुः इति हेतोः स्पष्टाः संकेतकाः तथा नक्शाः अपि स्थाप्यन्ते।

लोकतन्त्रे सर्वेषां सहभागिता सुनिश्चितीकरणार्थं दिव्याङ्गानां वृद्धानां च कृते मतदानकेन्द्रं प्रति सुगमगमनाय रैम्पाः निर्मिताः सन्ति। प्रत्येकस्मिन् केन्द्रे व्हीलचेयर्-यानानि उपलब्धानि भविष्यन्ति। तेषां शीघ्रमतदानार्थं सहायता-कक्षाः तथा स्वयंसेवक-सेवाः अपि समन्विताः सन्ति।

मतदातॄणां सूर्यतापात् संरक्षणार्थं छायायुक्ताः प्रतीक्षाक्षेत्राः अथवा पण्डालाः निर्मिताः भविष्यन्ति। विशेषतः महिला-मतदातॄणां तथा दिव्याङ्गानां कृते पृथक् शौचालय-सुविधाः तथा पर्याप्तः प्रकाशः इत्यादयः मूलभूत-आवश्यकताः अपि सुनिश्चिताः सन्ति।

मतदातॄणां शङ्कानां समाधानार्थं १९५० इति टोल्-फ्री दूरवाणी-सङ्ख्या प्रदत्ता अस्ति। अतिरिक्ततया ‘ECINet’ अनुप्रयोगेन तथा ‘voters.eci.gov.in’ जालपुटेन माध्यमेन पञ्जीकरणं अन्याः सुविधाः च उपलब्धाः सन्ति। ---------------

हिन्दुस्थान समाचार