Enter your Email Address to subscribe to our newsletters
कोलकाता, 17 अप्रैलमासः (हि.स.)। तृणमूल-कांग्रेस-दलेन घुसपैठिनां नामानि मतदाता-सूच्यां समावेशयितुं षड्यन्त्रं रचितम् इति आरोपः कृतः। तेन उक्तं यत् येषां जनानां नामानि युक्तकारणेन अपसारितानि, ते किमपि विरोधं न कृतवन्तः, किन्तु तृणमूल-कांग्रेस-दलम् निरन्तरं मतदाता-सूच्याः विशेष-गहन-पुनरीक्षण-प्रक्रियायाः विरोधं करोति। शुक्रवासरे कोलकाता-नगरे आयोजिते संवाददाता-सम्मेलने महाराष्ट्रस्य मुख्यमन्त्री देवेन्द्र-फडणवीसः एतानि वचनानि उक्तवान्।
तेन उक्तं यत् अस्मिन् विशेष-गहन-पुनरीक्षणे शिकायतानां निवारणार्थं संवैधानिक-प्रावधानानि विद्यमानानि सन्ति। यदि कस्यचित् व्यक्तेः नाम अन्यायेन अपसारितं भवति, तर्हि सः वैधानिक-उपायं स्वीकृत्य अपीलं कर्तुं शक्नोति। येषां नामानि युक्तकारणेन अपसारितानि, ते विरोधं न कृतवन्तः। केवलं तृणमूल-कांग्रेस-दलस्य एव किमर्थं आपत्तिः अस्ति? उच्चतम-न्यायालयेन किञ्चित् टिप्पणयः कृताः, किन्तु प्रक्रियायाः स्थगनं न कृतम्। तथापि तृणमूल-कांग्रेस-दलम् अस्याः प्रक्रियायाः स्थगनं कर्तुम् इच्छति।
फडणवीसः उक्तवान् यत् एतादृशं पुनरीक्षणं प्रत्येकं दशवर्षे कर्तव्यं, येन मृतानां, स्थानान्तरितानां, अनधिकृत-मतदातॄणां च नामानि सूच्याः निष्कासयितुं शक्यन्ते। तस्य आरोपः आसीत् यत् सत्तारूढं तृणमूल-कांग्रेस-दलम् आगामिनि विधानसभा-निर्वाचने कपटेन लाभं प्राप्नुयात् इति कारणेन अस्य विरोधं करोति।
बङ्गाली-भाषिणां प्रवासी-श्रमिकाणां विषये भारतीय-जनता-पार्टी-शासित-राज्येषु आक्रमणानां तृणमूल-कांग्रेस-दलस्य आरोपान् फडणवीसः निराकृतवान्। तथापि सः उक्तवान् यत् पश्चिम-बङ्गाल-राज्यस्य जनाः किमर्थं रोजगारार्थं राज्यात् बहिः गन्तुं बाध्यन्ते इति विषयः परीक्ष्यः अस्ति।
तेन उक्तं यत् यदि बङ्गाल-प्रदेशस्य जनाः सर्वप्रकारस्य रोजगारार्थं स्वराज्यं त्यक्तुं बाध्यन्ते, तर्हि तृणमूल-सरकारेण लज्जितव्यम्। एतत् शासनस्य विफलतां दर्शयति। अहं केवलं उच्च-पदानां विषये न वदामि, अपि तु सर्वप्रकारस्य जीविकायाः विषये वदामि।
महाराष्ट्रस्य मुख्यमन्त्री देवेन्द्र-फडणवीसः उक्तवान् यत् पुणे, मुम्बई, नागपुर-इत्यादिषु नगरेषु बङ्गाली-समुदायस्य विशाल-सङ्ख्या निवसति, यत्र दुर्गा-पूजा तथा काली-पूजा भव्यतया आचर्येते। तत्र पण्डालाः कोलकाता-नगरस्य भव्यतायाः तुल्याः दृश्यन्ते।-----------------
हिन्दुस्थान समाचार