Enter your Email Address to subscribe to our newsletters
नवदिल्ली-नगरम्, १८ अप्रैलमासः (हि.स.)। दिल्ली-नगरस्य मुख्यमन्त्री रेखा-गुप्ता कांग्रेस-पक्षं सहितं सर्वान् विपक्ष-दलान् महिलानां अधिकार-प्रदानस्य विरोधिनः इति उक्तवती।
मुख्यमन्त्री रेखा-गुप्ता शनिवासरे कन्फेडरेशन-ऑफ-ऑल-इण्डिया-ट्रेडर्स (कैट) इत्यस्य हिन्दी-भवने आयोजिते द्विदिवसीये सम्मेलनॆ सहभागिता अकरोत्। सा अत्र चतुर्शताधिकाभिः महिला-उद्यमिभिः सह कृष्ण-पट्टिकां बद्ध्वा विपक्षस्य महिला-विरोधि-राजनीतिं प्रति स्व-विरोधं प्रकटितवती। अस्मिन् अवसरे भारतीय-जनता-पक्षस्य (भाजपा) सांसदः तथा कैट-राष्ट्रीय-महामन्त्री प्रवीण-खण्डेलवालः अपि उपस्थितः आसीत्।
मुख्यमन्त्री उक्तवती यत् प्रधानमन्त्रिणा नरेन्द्रमोदिना देशस्य कन्याभ्यः राष्ट्र-निर्माणे सहभागिता दातुं ‘नारी-शक्ति-वन्दन-अधिनियमः’ प्रस्तुतः, किन्तु खेदजनकं यत् केचन दलानि अस्य ऐतिहासिक-अवसरस्य अपि संकीर्ण-राजनीतिदृष्ट्या अवलोकनं कृत्वा महिलानां अधिकाराणां विरोधे न किमपि संकोचं कृतवन्तः। संसदि ये दलाः महिला-आरक्षणस्य विरोधं कृतवन्तः, तेषां तर्केषु कश्चन ठोस-आधारः नासीत्, केवलं महिला-विरोधिनी मानसिकता एव स्पष्टा अभवत्। ये नेतारः महिला-आरक्षणस्य विरोधं कृतवन्तः, तेषां क्षेत्रेषु अस्माकं भगिन्यः कन्याश्च तेषां प्रति उत्तरं याचिष्यन्ते।
मुख्यमन्त्री उक्तवती यत् अधुना देशः परिवर्तितः अस्ति, नारी-शक्तिः प्रतीक्षां न करिष्यति, अपितु स्व-अधिकारान् स्वयमेव प्राप्स्यति।
सांसदः प्रवीण-खण्डेलवालः ‘एक्स’ इत्यस्मिन् माध्यमे लिखितवान् यत् कैट-द्विदिवसीय-सम्मेलनॆ चतुर्शताधिकाः महिला-उद्यमिन्या मुख्यमन्त्रिणा सह कृष्ण-पट्टिकाः बद्ध्वा कांग्रेस-पक्षस्य तीव्रं विरोधं कृतवन्त्यः। लोकसभायां महिला-आरक्षण-विधेयकं निरोद्धुं प्रयतमानया कांग्रेस-पक्षेन पुनः एतत् सिद्धं कृतम् यत् सः नारी-शक्तेः महान् विरोधी अस्ति। देशस्य कन्याः अधुना मौनं न धारयिष्यन्ति, कांग्रेस-पक्षस्य नारी-विरोधिनी योजना च प्रकटिता अभवत्।
हिन्दुस्थान समाचार / अंशु गुप्ता