Enter your Email Address to subscribe to our newsletters
बेंगलुरुः, 18 अप्रैलमासः (हि.स.)। दक्षिणअफ्रिकादेशात् आनितानां चतुर्णां दुर्लभचीतकानां बेंगलुरु नगरं प्रति आगमनसमये वनमन्त्री ईश्वर खंड्रे रात्रौ विलम्बेन केम्पेगौड़ा अन्तर्राष्ट्रीय विमानस्थानकस्य कार्गो विभागे औपचारिक स्वागतं कृतवान्।
एते चीतकाः विशेषव्यवस्थया बैनरघट्टा जैविक उद्यानं प्रति नीयन्ते, यत्र तान् संरक्षितपर्यावरणे स्थापयिष्यन्ति।
मन्त्री ईश्वर खंड्रे कलबुर्गी कार्यक्रमं समाप्त्य हैदराबादनगरं मार्गेण बेंगलुरुनगरं प्राप्तवान्, ततः सः प्रत्यक्षं विमानस्थानकस्य कार्गो टर्मिनलं गतवान्। तत्र सः अधिकाऱिभिः सह चीतकानां आगमनं तथा तेषां सुरक्षाव्यवस्थां निरीक्षितवान्।
तेन अधिकाऱिणः स्पष्टतया निर्देशिताः यत् एतेषां विदेशी अतिथीनां नूतनजलवायौ तथा वातावरणे कापि असुविधा न भवेत्। अस्य कृते विशेषपर्यवेक्षणं, अनुकूलतापमानव्यवस्था, सुरक्षितनिवासश्च सुनिश्चितः भवेत् इति उक्तम्।
तथा च पशुचिकित्सकान् प्रति निर्देशाः दत्ताः यत् त्रिंशद्दिनानां कृते पर्याप्तआहारः, नियमितस्वास्थ्यपरीक्षणं, क्वारंटाइननियमाः च कठोरतया पालनं कर्तव्यम्।
मन्त्री विमानस्थानकात् बैनरघट्टा जैविक उद्यानं प्रति चीतकानां सुरक्षितपरिवहनप्रक्रियायाः अपि सूक्ष्मतया निरीक्षणं कृतवान्, तथा च सुरक्षाविषये कापि त्रुटिः न भवेत् इति चेतावनी दत्ता।अस्मिन् अवसरे सः उक्तवान् यत् पूर्वं कर्नाटकराज्यस्य अरण्येषु चीतकाः आसन्, किन्तु अद्य ते पूर्णतया लुप्ताः अभवन्। अतः एते दुर्लभवन्यजीवाः चिड़ियाघरेषु स्थाप्य जनानां दर्शनार्थं तथा संरक्षणजागरूकतां वर्धयितुं अवसरः भविष्यति।अन्ते मन्त्री कर्नाटकचिड़ियाघरप्राधिकरणस्य अधिकाऱिणः प्रति आदेशं दत्तवान् यत् चीतकानां सुरक्षा, पालनपोषणं, संरक्षणं च सर्वोच्चप्राथमिकतया क्रियताम्, येन ते स्वस्थे सुरक्षिते च वातावरणे वसन्तु।--------------
हिन्दुस्थान समाचार