नव दिल्ली, 18 अप्रैलमासः (हि.स.)।

लोकसभाध्यक्षः ओम बिरला, केन्द्रीयसड़कपरिवहनमार्गमन्त्री नितिन गडकरी तथा केन्द्रीयसंस्कृतिपर्यटनमन्त्री गजेन्द्रसिंह शेखावत सहिताः अनेकाः नेतारः विश्वधरोहरदिवसस्य अवसरे जनान् हार्दिकशुभाशयाः अददुः।

ओम बिरला एक्स माध्यमे अवदत् यत्“विश्वधरोहरदिवसस्य अवसरे राजस्थानसहित देशस्य सर्वेभ्यः नागरिकेभ्यः हार्दिकाः शुभाशयाः। धरोहराः अस्माकं समृद्धसंस्कृतेः प्राचीनसभ्यतायाः च जीवन्तपरिचयाः सन्ति, यान् संरक्षितुं संजोक्तुं च अस्माकं सामूहिकी उत्तरदायित्वम् अस्ति। धरोहराणां मध्ये राजस्थानप्रदेशः स्वस्य भव्यतया, दुर्गैः, प्रासादैः तथा विशिष्टया सांस्कृतिकविरासतया विशेषस्थानं धारयति। वयं एतेषां संरक्षणसंवर्धनं तथा भावीसंततिषु तेषां महत्त्वप्रसारणं प्रति निरन्तरं प्रयत्नं कुर्मः, येन अस्माकं सांस्कृतिकपरिचयः सदा सुरक्षितः सुदृढश्च भवेत्।”

नितिन गडकरी उक्तवान् यत् वयं आगामिपीढीनां कृते एतेषां अमूल्यस्थानानां संरक्षणं सुरक्षा संवर्धनं च कुर्मः, येन इतिहासः, विरासत्, परिचयश्च आगामिषु वर्षेषु जीवन्तः तिष्ठेत्।

गजेन्द्रसिंह शेखावत उक्तवान्— “मन्दिराणां भित्तयः, प्राचीनदुर्गाणां नक्काशयः, पीढीनां लोकगीतानि— एतानि एव अस्माकं वास्तविकपरिचयः। आगच्छामः, अद्य धरोहरदिवसे संकल्पं कुर्मः यत् यदा वयं कस्यचित् ऐतिहासिकस्थलस्य दर्शनं कुर्मः, तदा तत् स्वच्छं सुरक्षितं आदरयुक्तं च धारयेम; एषा विरासत् केवलं अस्माकं न, अपि तु भावीपीढीनामपि अस्ति।”

केन्द्रीयवस्त्रमन्त्री गिरिराज सिंह उक्तवान् यत् महाबोधिमन्दिरात् आरभ्य नालन्दा अवशेषपर्यन्तं अस्माकं विरासत् अस्मान् अस्माकं महान् इतिहासं स्मारयति।

विधिन्यायराज्यमन्त्री अर्जुनराम मेघवाल उक्तवान् यत् अस्माकं धरोहर एव अस्मान् स्वस्य गौरवशालीइतिहाससंस्कृतिभ्यां संयोजयति। आगच्छामः, अस्मिन् अवसरे वयं धरोहरसंरक्षणसंवर्धने सहयोगिनः भवाम इति संकल्पं कुर्मः।

केन्द्रीयउपभोक्ताव्यवहारखाद्यसार्वजनिकवितरणमन्त्री प्रह्लाद जोशी उक्तवान् यत् प्राचीनमन्दिरेभ्यः शाश्वतपरम्पराभ्यः पर्यन्तं भारतस्य विरासत् तस्य समृद्धइतिहासस्य जीवन्तसंस्कृतेश्च प्रत्यक्षप्रमाणम् अस्ति। आगच्छामः, वयं तस्याः अद्भुतविरासतायाः उत्सवं कुर्मः, या यूनेस्को द्वारा मान्यताप्राप्तानां प्रतिष्ठितस्थानानां गृहं अस्ति, ये भारतस्य भावना, विविधता, भव्यता च प्रदर्शयन्ति।

---------------

हिन्दुस्थान समाचार