कोयंबटूर-नगरम्, १८ अप्रैलमास: (हि.स.)। तमिलनाडु-राज्यस्य विधानसभा-निर्वाचनम् अधिगम्य प्रचार-अभियानं स्व-पराकाष्ठां प्राप्तम् अस्ति। राष्ट्रिय-जनतान्त्रिक-गठबन्धनस्य (राजग) उम्मीदवाराणां समर्थनार्थं देशस्य अनेकाः प्रमुख-नेतारः निर्वाचन-क्षेत्रे प्रविष्टाः सन्ति। अस्मिन् क्रमॆ प्रधानमन्त्रिः नरेन्द्रमोदी अद्य कोयंबटूर-नगर्यां आयोजितां जनसभां सम्बोधयिष्यति।

निर्धारित-कार्यक्रमानुसारं प्रधानमन्त्री नरेन्द्रमोदी दिल्ली-नगरात् विशेष-विमानेन सायंकाले कोयंबटूर-अन्ताराष्ट्रिय-विमानतलं प्राप्स्यति। ततः सः स्थल-मार्गेण कोडिसिया-प्रांगणं गमिष्यति, यत्र राजग-पक्षतः जनसभा आयोजिता अस्ति।

एषा जनसभा सायं प्रायः पञ्चवादने आरभ्य प्रायः एकघण्टापर्यन्तं चलिष्यति। अस्याम् प्रधानमन्त्री गठबन्धन-अभ्यर्थिनां समर्थनार्थं जनान् प्रति मतदानस्य आग्रहं करिष्यति। निर्वाचन-परिस्थितौ तस्य सम्बोधनस्य विषये राजनैतिक-वृत्तेषु विशेषा उत्सुकता दृश्यते।

अस्यां जनसभायाम् एडप्पडी के.पलानीस्वामी, नैनार नागेन्द्रन्, अन्नामलै, वानथी श्रीनिवासन इत्यादयः अनेकाः प्रमुख-नेतारः उपस्थिताः भविष्यन्ति।

प्रधानमन्त्रिणः कार्यक्रमं दृष्ट्वा सुरक्षा-व्यवस्थायाः कठोराः प्रबन्धाः कृताः सन्ति। कोयंबटूर-विमानतलात् आरभ्य जनसभा-स्थलपर्यन्तं त्रिस्तरीया सुरक्षा-व्यवस्था प्रवर्तिता अस्ति। अस्याम् विशेष-सुरक्षा-बलम्, केन्द्रीय-सुरक्षा-संस्थाः तथा जनपद-आरक्षका: नियुक्ताः सन्ति। प्रायः ३००० पुलिस-कर्मचारिणः सुरक्षा-कर्तव्ये नियोजिताः सन्ति, येन सम्पूर्णं क्षेत्रं कठोर-निरीक्षणे स्थाप्यते।

जनसभा-समाप्तेः अनन्तरं प्रधानमन्त्री स्थल-मार्गेण पुनः विमानतलं गमिष्यति तथा ततः विशेष-विमानेन दिल्ली-नगरं प्रत्यागमिष्यति। निर्वाचनात् पूर्वम् एषा रैली राजग-पक्षस्य कृते अत्यन्तं महत्त्वपूर्णा मन्यते, या राज्यस्य राजनैतिक-समीकरणान् प्रभावितुं शक्नोति।

उल्लेखनीयं यत् तमिलनाडु-राज्ये केन्द्रीय-गृहमन्त्री अमितशाह:, भारतीय-जनता-पक्षस्य राष्ट्रिय-अध्यक्षः नितिन-नवीनः, दिल्ली-नगरस्य मुख्यमन्त्री रेखा-गुप्ता इत्यादयः अनेके वरिष्ठ-नेतारः पूर्वमेव प्रचारे सक्रियाः सन्ति।

हिन्दुस्थान समाचार / अंशु गुप्ता