Enter your Email Address to subscribe to our newsletters
नवदेहली, 19 अप्रैलमासः (हि.स.)।राष्ट्रीयस्वयंसेवकसङ्घस्य शताब्दीवर्षस्य उपलक्ष्ये देहल्याः दिलशाद-गार्डन-स्थिते अर्वाचीन इण्टरनेशनल स्कूल मध्ये २१ एप्रिल दिनाङ्के सायङ्काले ६ वादने ‘संघ गंगा के तीन भगीरथ’ इति नामकस्य विशेष-हिन्दी-नाटकस्य मञ्चनं करिष्यते। नाटकस्य निर्देशकः सञ्जय पेण्डसे महोदयः एतां सूचनां दत्तवान्।
पेण्डसे महोदयः हिन्दुस्थान-समाचारं प्रति उक्तवान् यत् सङ्घस्य शतवर्षाणां पूर्तेः अवसरे सम्पूर्णे देशे अस्य नाटकस्य मञ्चनं क्रियते। ‘संघ गंगा के तीन भगीरथ’ इति नाटकं सङ्घस्य प्रथम-त्रयाणां सरसङ्घचालकानां— डा. केशव बलिराम हेडगेवार, माधव सदाशिव गोलवलकर (गुरुजी) तथा च बालासाहेब देवरस महोदयानां जीवने तथा च तेषां योगदाने च आधारितम् अस्ति। सः अवदत् यत् नाटकस्य माध्यमेन सङ्घस्य शतवर्षाणां यात्रां सजीवरूपेण प्रस्तोतुं प्रयासः कृतः अस्ति।
पेण्डसे महोदयः सूचितवान् यत् देहल्याम् इतः पूर्वं १५ तथा १८ एप्रिल दिनाङ्कयोः पृथक्-पृथक् स्थानेषु नाटकस्य मञ्चनम् अभवत्। सः उक्तवान् यत् अद्य सायङ्काले ६ वादने श्यामाप्रसाद मुखर्जी महाविद्यालये नाटकस्य मञ्चनं भविष्यति। देहल्यां ततः परं २१ एप्रिल-दिनाङ्कस्य अतिरिक्तं २२, २४, २५, २६ तथा २८ एप्रिल-दिनाङ्केषु भिन्न-भिन्न-स्थानेषु नाटक-मञ्चनस्य योजना वर्तते।
देहल्यां कदा कुत्र च भविष्यति मञ्चनम्
- २१ अप्रैलमासः सायङ्काले ६ वादने, अर्वाचीन इण्टरनेशनल स्कूल, दिलशाद गार्डन।
- २२ अप्रैलमासः सायङ्काले ४ वादने, एलटीडी सभागारः, मण्डी हाउस।
- २४ अप्रैलमासः सायङ्काले ६ वादने, द्वारका सेक्टर-त्रयम् (३)।
- २५ अप्रैलमासः सायङ्काले ६ वादने, एआईसीटीई (AICTE), नेल्सन मण्डेला मार्गः, वसन्तकुञ्जः।
- २६ अप्रैलमासः प्रातः ९ वादने, सत्यवती महाविद्यालयः, अशोक विहारः।
- २६ अप्रैलमासः सायङ्काले ५:३० वादने, कमला नेहरू महाविद्यालयः।
- २८ अप्रैलमासः सायङ्काले ६ वादने, शहीद सुखदेव महाविद्यालयः, सेक्टर-११, रोहिणी।
---------------
-
हिन्दुस्थान समाचार