- उज्जैने सिंहस्थस्य 2028 सज्जान्तर्गते जातं प्रथमं लोकार्पणं, मुख्यमंत्री अकरोत् हेलीपैडविश्रामगृहस्य लोकार्पणम्

उज्जैनम्, 19 अप्रैलमासः (हि.स.)।

मध्यप्रदेशस्य मुख्यमन्त्री मोहन यादव उक्तवान् यत् उज्जैन-नगर्यां सिंहस्थ 2028-महापर्वणि विश्वं अस्माकं सनातनधर्मस्य वैभवं द्रक्ष्यति। अस्माकं प्रयासः अस्ति यत् नरेंद्र मोदी-महाशयस्य नेतृत्वे अस्मिन् विश्वस्तरीये आयोजने सर्वेभ्यः श्रद्धालुभ्यः सम्यक् सुविधाः प्रदीयन्ताम् तथा पूर्णेन सनातनवैभवेन सह सिंहस्थमहापर्वणः सांस्कृतिक-धार्मिक-आयोजनं क्रियेत।

मुख्यमन्त्री डॉ. यादवः रविवासरे परशुराम जयंती तथा अक्षय तृतीया-इत्येतयोः पावनावसरे उज्जैन-नगर्यां सिंहस्थ 2028-सम्बद्धस्य प्रथमकार्यस्य लोकार्पण-समारोहे सम्बोधनं कुर्वन् आसीत्। तेन उक्तं यत् उज्जैन-नगर्यां बहवः विकास-कार्यक्रमाः प्रचलन्ति, येन नगरस्य नूतना छवि प्रकटिष्यते तथा समृद्धेः प्रतीकं भविष्यति। तेन ईश्वरं प्रति प्रार्थना कृता यत् अत्र प्रत्येकस्य गृहे सुखं शान्तिः वैभवं च स्थिरं भवतु।

अस्मिन् अवसरे तेन एककोटि-विंशतिलक्ष-रूप्यक-मूल्येन निर्मितस्य हेलिपद-विश्रामगृहस्य उद्घाटनं कृतम्। अस्मिन् विश्रामगृहे कार्यालय-कक्षः, जनसामान्येन सह संवादार्थं सभाकक्षः, पायलटानां कृते अपि कक्षाः निर्मिताः सन्ति। एषः हेलिपदः सिंहस्थ 2028-समये अतिथीनां जनप्रतिनिधीनां च आगमनार्थं तथा सामान्यजनानां विशिष्टातिथिभिः सह मिलनाय निर्मितः अस्ति।

उल्लेखनीयम् यत् अस्य नवनिर्मित-विश्रामगृहस्य निर्माणार्थं नगर-निगमाध्यक्षया कलावती-यादव-महोदयया निगम-निधेः पञ्चाशीतिलक्ष-रूप्यकाणां स्वीकृतिः प्रदत्ता, तथा मार्ग-निर्माणाय बाह्य-सौन्दर्यीकरणाय च पञ्चत्रिंशल्लक्ष-रूप्यकाणि अपि स्वीकृतानि। एवमेव समग्र-व्ययः एककोटि-विंशतिलक्ष-रूप्यकाणि अभवत्।

अस्य हेलिपद-विश्रामगृहस्य निर्माणेन मुख्यमन्त्रिणः उज्जैन-आगमने बहुविशिष्ट-अतिथीनां सत्कारार्थं वातानुकूलित-परिसरः उपलभ्यते, यत्र बैठक-व्यवस्था अपि सुलभा भविष्यति। तत्र वरिष्ठ-जनप्रतिनिधीनां शासन-प्रशासन-अधिकारीणां च समीक्षा-सभाः अपि आयोजयितुं शक्यन्ते।

सिंहस्थ 2028-सम्बद्धे हरित-स्वच्छ-उपक्रमे मुख्यमन्त्री डॉ. यादवः नगर-निगमाय द्विकोटि-पञ्चविंशतिलक्ष-रूप्यक-मूल्यस्य विद्युत्-चालित-व्हील-लोडर-यन्त्रस्य कुञ्जिकां प्रदत्तवान्। LiuGong India Pvt. Ltd.-नाम्ना संस्थया स्वस्य कॉर्पोरेट-सामाजिक-उत्तरदायित्व-योजनान्तर्गतं एतत् यन्त्रं प्रदत्तम्।

एतानि यन्त्राणि पूर्णतया बैटरी-चालितानि सन्ति, शून्य-उत्सर्जनयुक्तानि च। एतेषां साहाय्येन मार्गाणां सार्वजनिक-स्थलानां च सम्यक् स्वच्छता कर्तुं शक्यते, यत् सिंहस्थ-समये अतीव उपयोगी भविष्यति। एषा पहल उज्जैन-नगरं “हरित-स्वच्छ-नगर” इति रूपेण प्रतिष्ठापयितुं साहाय्यं करिष्यति।

अस्मिन् अवसरे विधायकः अनिल-जैन-कालूहेडा, महापौरः मुकेश-टटवाल, नगर-निगम-आयुक्तः अभिलाष-मिश्रः, अन्ये च अधिकारीणः उपस्थिताः आसन्।

पूर्वं मुख्यमन्त्री डॉ. यादवः चिमनगंज कृषि उपज मंडी-स्थलं गत्वा जैन-सन्तं जिनेन्द्र महाराज-महाशयं मिलित्वा आशीर्वादं प्राप्तवान्। तत्र जैन-समाजेन तस्य अभिनन्दनं कृतम्। सन्तः जिनेन्द्र-महाराजः धर्मदास-गणस्य वर्तमान-प्रवर्तकः अस्ति, तथा मालवा, राजस्थान-आदिषु प्रदेशेषु तस्य विचरणं भवति।

सः स्थानकवासी-परम्परायाः निष्ठः सन्तः अस्ति। अद्यतनकाले अक्षय तृतीया-महोत्सवस्य उपलक्ष्ये तस्य प्रवासकाले वर्षीतप-पारण-महोत्सवः अपि आयोजितः अस्ति।

---------------

हिन्दुस्थान समाचार