चंडीगढ़म्, 19 अप्रैलमासः (हि.स.)।

पञ्जाबराज्ये श्री गुरु ग्रंथ साहिबस्य बेअदबी-विरुद्धं कठोरस्य विधानस्य मार्गः अधुना स्पष्टः जातः। राज्यपालः गुलाब चंद कटारिया महोदयः “जागृत-ज्योतिः श्रीगुरुग्रन्थसाहिब-सत्कार (संशोधन) विधेयकं, २०२६” इत्यस्मिन् हस्ताक्षरं कृतवान्।

मुख्यमन्त्री भगवंत मान रविवासरे उक्तवान् यत् एतत् महत्त्वपूर्णं पदम् अस्ति, तथा च तेन वाहेगुरोः प्रति कृतज्ञता व्यक्ता। सामाजिक-माध्यमेषु अपि सः लिखितवान् यत् एतादृशी सेवा कर्तुं अवसरः प्राप्तः, अस्मात् सः कृतार्थः अस्ति, तथा समग्रायै सिखसङ्गतये धन्यवादं दत्तवान्। अद्यतनावस्थायां एषः नियमः केवलं श्रीगुरुग्रन्थसाहिबस्य बेअदबी-संबद्धेषु प्रकरणेषु एव प्रवर्तिष्यते। सः अपि उक्तवान् यत् अन्यधर्मीयैः सह संवादं कृत्वा शीघ्रमेव तेषामपि कृते एतादृशं विधानं भविष्यति।

नवीनविधानेन बेअदबी-संबद्धाः विविधाः क्रियाः अपराधरूपेण निर्दिष्टाः सन्ति, यथा— पवित्रस्य ‘स्वरूपस्य’ जानबूझ्य छेदनं, दाहनं वा; तस्मिन् थूकनं, अशुचिभिः हस्तैः स्पर्शनं वा; तस्य गरिमानाशकरस्थाने स्थापनेन अपमानः; सार्वजनिकस्थले त्यागः अथवा गल्ली-नालिकासु परित्यागः; पवित्रग्रन्थस्य चौर्यं वा मर्यादाविरुद्धं धारणं; तस्य सन्निधौ मद्य-तम्बाकु-नशीलेषु पदार्थेषु सेवनं वा वहनं; सामाजिकमाध्यमेषु अथवा अन्यत्र पवित्रबाण्याः प्रति अपमानजनक-टिप्पणी, चित्राणि वा प्रसारणम् इत्यादयः।

अस्मिन् विधाने कठोरदण्डस्य प्रावधानं कृतम् अस्ति— पञ्चवर्षपर्यन्तात् आजीवनकारावासपर्यन्तं दण्डः, तथा च विंशतिलक्षपर्यन्तं दण्डराशिः। एते अपराधाः अजामिनीयाः घोषिताः सन्ति, तथा च सहायकाः अपि समानदोषिणः भविष्यन्ति। एतत् विधेयकं 13 अप्रेल 2026 दिवसे विधानसभायां सर्वसम्मत्या पारितम् आसीत्।

एषः नियमः राज्ये धार्मिक-सौहार्दं रक्षितुं तथा बेअदबी-प्रकरणेषु कठोरनियन्त्रणाय महत्त्वपूर्णः पदः इति मन्यते।

------------

हिन्दुस्थान समाचार