जौनपुरम्,19 अप्रैलमासः (हि.स.)। उत्तरप्रदेशस्य जौनपुर जनपदे समाजवादी दल-संगठनस्य विस्तारस्य अन्तर्गतं जनपदस्य वरिष्ठनेता अनवारूल हक गुड्डू राष्ट्रिय-उपाध्यक्ष-पदे मनोनीतः अस्ति। रविवासरे तस्य जनपदागमनस्य अवसरः प्राप्तः, यस्मिन् सपा-जिला-कार्यालये स्वागत-समारोहः तथा सम्मान-कार्यक्रमः आयोजितः। अस्य कार्यक्रमस्य अध्यक्षता जिलाध्यक्षः राकेश मौर्य अकरोत्, संचालनं च जिला-महासचिवः आरिफ हबीब अकरोत्।

स्वीय-उपदेशे अनवारूल हक गुड्डू उक्तवान् यत् सः प्राप्तं दायित्वं पूर्ण-निष्ठया गरिमया च निर्वहिष्यति तथा च पार्टी-नीतयः जन-जनं प्रति प्रसारयिष्यति। सः अल्पसंख्यक-समाजस्य स्वरः भूत्वा तेषां अधिकाराणां संरक्षणाय अपि संकल्पं कृतवान् तथा शीर्ष-नेतृत्वस्य आभारं प्रकटितवान्।-----------

हिन्दुस्थान समाचार