आसनसोल-नगरम्, १९ अप्रैलमासः (हि.स.)। केन्द्रीय-कोयला-मन्त्री जी-किशन-रेड्डी रविवासरे रानीगंज-नगरे आयोजिते कार्यक्रमे सहभागित्वं कृत्वा अग्रिम-विधानसभा-निर्वाचनं प्रति भारतीय-जनता-पक्ष-कार्यकर्तृषु उत्साहं सञ्चारितवान्। स्पोर्ट्स-असेम्बली-प्राङ्गणे आयोजिते अस्मिन् कार्यक्रमे तस्य भव्यं स्वागतं कृतम्, यत्र बहुसंख्यकाः कार्यकर्तारः स्थानीय-नेतारश्च उपस्थिताः आसन्।

कार्यक्रमस्य आरम्भे रानीगंज-विधानसभा-आसनात् भाजपा-प्रत्याशी पार्थ-घोषेन केन्द्रीय-मन्त्रिणः स्वागतं कृतम्। ततः परं भाजपा-मण्डल-अध्यक्षः शमशेर-सिंहः, दिनेश-सोनी, बीएमएस-संघटनस्य अखिल-भारतीय-सदस्यः जयनाथ-चौबे, आशा-शर्मा, अपूर्व-हाजरा इत्यादयः अन्ये नेतारः तस्य अभिनन्दनं कृतवन्तः। कोयला-क्षेत्रस्य विषये वक्तुं सः अवदत् यत् दस्यू-गतिविधयः कस्यापि मूल्येन अपि न सह्यन्ते। सः सञ्चेतनां दत्तवान् यत् निर्वाचनानन्तरं एतेषां विरुद्धं कठोर-कार्यवाही क्रियते तथा च प्रदेशे विधि-व्यवस्था सुदृढा करिष्यते।

स्वीय-संबोधने जी-किशन-रेड्डी कार्यकर्तॄन् संगठनं बूथ-स्तरे सुदृढीकर्तुं संदेशं दत्तवान् तथा च उक्तवान् यत् निर्वाचन-विजयस्य आधारः स्थानीये स्तरे सक्रियता भवति। तेन सर्वेभ्यः कार्यकर्तृभ्यः आह्वानं कृतं यत् ते गृहे-गृहे गत्वा केन्द्र-सर्वकारस्य योजनानां विषये जनान् अवगमयन्तु तथा च भाजपा-प्रत्याशिनः पार्थ-घोषस्य विजयम् सुनिश्चितं कुर्वन्तु।

विपक्षं लक्ष्यीकृत्य सः अवदत् यत् भाजपा सदा राष्ट्रहितं सर्वोपरि मन्यते। तेन महिला-आरक्षण-विषयं उद्धृत्य आरोपितं यत् संसदि प्रस्तुतं विधेयकं विपक्ष-दलानां विरोधात् पारितं नाभवत्। तस्य वचनम् आसीत् यत् स्वतन्त्रतायाः दशकेषु व्यतीतेषु अपि विपक्षः महिलाभ्यः तेषां अधिकारान् न दातुम् इच्छति, यदा तु प्रधानमन्त्री नरेन्द्र-मोदी-नेतृत्वे सर्वकारः अस्मिन् विषये गम्भीरतया प्रयत्नं करोति।

सः अपि उक्तवान् यत् देशः शीघ्रं विकास-पन्थानम् अनुगच्छति, लक्ष्यं च अस्ति यत् २०४७ पर्यन्तं भारतं विकसित-राष्ट्रं क्रियते। तस्य अनुसारं वर्तमान-नेतृत्वं केवलं प्रतिज्ञाः न करोति, अपि तु ताः पूरयितुं दृढ-पदानि अपि गृह्णाति।

अस्मिन् अवसरे रानीगंज-चेम्बर-ऑफ-कॉमर्स तथा “रानीगंज-बचाओ-मञ्च” इत्यस्य प्रतिनिधयः अपि मन्त्रिणा सह मिलित्वा क्षेत्रसम्बद्धाः चिन्ताः प्रस्तुतवन्तः। अस्य उत्तररूपेण जी-किशन-रेड्डी स्पष्टतया अवदत् यत् केन्द्र-सर्वकारेण रानीगंज-क्षेत्रस्य रिक्तीकरणस्य कापि योजना नास्ति। तेन जनान् आह्वानं कृतं यत् ते कस्यापि प्रकारस्य दुष्प्रचारान् प्रति ध्यानं मा ददतु।

मन्त्रिणा आश्वासनं दत्तं यत् निर्वाचन-प्रक्रियायाः समाप्तेः अनन्तरं सः पुनः रानीगंज-नगरं आगत्य स्थानीय-समस्यासु विस्तरेण चर्चा करिष्यति तथा समाधानस्य दिशि आवश्यक-पदानि ग्रहीष्यति।

हिन्दुस्थान समाचार / अंशु गुप्ता