Enter your Email Address to subscribe to our newsletters
अररियाजनपदः, ०२ अप्रैलमासः (हि.स.)।फारबिसगञ्जस्य कटहरास्थिते सुलोचना-देवी-डॉ.डी.एल.-दास-सरस्वती-शिशु-बालिका-विद्या-मन्दिरे त्रिदिवसीया वार्षिक-आचार्य-कार्यशाला आयोजिता। एषा कार्यशाला गुरुवासरात् शनिवासरपर्यन्तं चलति, यस्याम् शैक्षणिक-सङ्गठनात्मक-विषयेषु विस्तरेण चर्चा क्रियते। वार्षिक-कार्ययोजना-निर्माणं, छात्राणां सर्वाङ्गीण-विकासः, समिति-विकासः, अभिभावक-संपर्कः, आचार्य-विकासः इत्यादिषु विषयेषु चिन्तन-मननं क्रियते।
उद्घाटन-सत्रे विद्यालय-प्रबन्धकारिणी-समितेः सचिवः शिवनारायण-दास-भानुः तथा प्रधानाचार्यः सुदर्शन-कुमारः संयुक्तरूपेण दीप-प्रज्वलनं कृत्वा कार्यक्रमस्य शुभारम्भं कृतवन्तौ। सचिवः शिवनारायण-दास-भानुः उक्तवान् यत् छात्राणां सर्वाङ्गीण-विकासे आचार्याणां भूमिका अत्यन्तं महत्त्वपूर्णा अस्ति। आचार्याः विद्यालयस्य मेरुदण्डाः सन्ति, अतः ते पूर्ण-निष्ठया समर्पणेन च स्वदायित्वं निर्वहेयुः। सः नवाचार-स्वीकारं निरन्तर-स्वाध्यायाय अपि बलं दत्तवान्।
लोक-शिक्षा-समिति-बिहारस्य तथा स्थानीय-विद्यालयस्य अध्यक्षः राम-प्रकाश-प्रसादः, उपाध्यक्षः विंदेश्वरी-प्रसाद-मण्डलः, सदस्यः अनील-अग्रवालः, सहसचिवः कर्नल-दासः, सदस्या ममता-कुमारी अन्ये सदस्याः कार्यशालायाः प्रशंसां कृतवन्तः। कार्यशालायां विद्यालय-परिवारस्य सर्वे सदस्याः उपस्थिताः आसन्, कार्यक्रमस्य सफलतायां सक्रियं योगदानं च दत्तवन्तः।
हिन्दुस्थान समाचार / Dheeraj Maithani