Enter your Email Address to subscribe to our newsletters
जांजगीर-चांपा, 02 अप्रैलमासः (हि. स.)।हनुमज्जन्मोत्सवस्य अवसरे अद्य गुरुवासरे जिलायां विशेषः आस्थामयः वातावरणः दृश्यते। जिलामुख्यालये जांजगीर-नैला-स्थले प्रसिद्धे नहरिया-बाबा-हनुमत्-मन्दिरे अस्मिन् वर्षे अपि सहस्रशः श्रद्धालूनां आगमनस्य सम्भावना अस्ति।
नहर-तीरे स्थितम् एतत् प्राचीनं मन्दिरं भक्तानां गाढ-आस्थायाः केन्द्रम् अस्ति। अत्र वर्षपर्यन्तं श्रद्धालवः आगच्छन्ति, किन्तु विशेषतः मङ्गलवासरे शनिवासरे तथा पर्वदिनेषु महान् संमर्दो दृश्यते। हनुमज्जन्मोत्सवदिने प्रायः पञ्चाशत्सहस्राधिकाः श्रद्धालवः दर्शनार्थम् आगमिष्यन्ति इति अनुमानम् अस्ति।
अस्मिन् अवसरः मन्दिर-परिसरे मानस-महायज्ञः, सन्त-सम्भेलनम्, भजन-कीर्तनम्, विशाल-भण्डारः च आयोज्यन्ते। श्रद्धालूनां कृते प्रसाद-वितरणम्, पेय-जल-व्यवस्था, अन्याः सुविधाः च सम्यक् विन्यस्ताः सन्ति। मन्दिर-परिसरः रेलमार्गस्य समीपे स्थितः अस्ति, अतः सुरक्षाव्यवस्थायै रेलवे-पुलिस् तथा स्थानीय-पुलिस् अपि नियोजिता भविष्यति।
मन्दिरस्य पुजारी मन्नूलाल-शुक्लेन उक्तम् यत् हनुमज्जयन्त्यां प्रातःकालात् आरभ्य रात्रेः अन्तं यावत् पूजार्चना, हनुमान-चालीसा-पाठः, भजन-कीर्तनं च निरन्तरं प्रवर्तते। अस्मिन् काले छत्तीसगढ़स्य विभिन्न-जिलाभ्यः सह ओडिशा, मध्यप्रदेश, झारखण्ड, महाराष्ट्र-राज्येभ्यः अपि बहुसंख्यकाः श्रद्धालवः अत्र आगच्छन्ति।
मन्दिरस्य इतिहासः कथ्यते यत् १९८४ वर्षे नहर-निर्माण-समये अत्र हनुमतः प्रतिमा प्राप्ता आसीत्। ततः पश्चात् पीपल-वृक्षस्य अधः पूजारम्भः अभवत्, शनैः शनैः च एतत् स्थानं प्रमुखं धार्मिक-स्थलम् अभवत्। नहर-तीरे स्थितत्वात् एव अस्य नाम “नहरिया-बाबा” इति प्रसिद्धम्।
नहरियाबाबा-हनुमत्-सेवा-समितेः सचिवः प्रमोदकुमार-तिवारी उक्तवान् यत् हनुमज्जन्मोत्सवस्य कृते सर्वाः आवश्यकाः व्यवस्थाः सम्पन्नाः सन्ति। श्रद्धालूनां सुविधा-सुरक्षा च प्रमुखतया दृष्ट्वा सर्वं विन्यस्तम्।
भक्तानां विश्वासः अस्ति यत् नहरिया-बाबा-आलये सत्यभावेन यत् किमपि इच्छ्यते तत् सर्वं पूर्णं भवति। अतः एतत् मन्दिरं अद्य सम्पूर्णे प्रदेशे आस्थायाः प्रमुखं केन्द्रम् अभवत्।
---------------
हिन्दुस्थान समाचार