Enter your Email Address to subscribe to our newsletters
नवदिल्ली, ०२ अप्रैलमासः (हि.स.)। भारतीयजनता-पक्षस्य वरिष्ठ-नेता प्रधानमन्त्री नरेन्द्रमोदी अद्य ‘मेरा-बूथ-सबसे-मजबूत-संवाद’ कार्यक्रमे केरलस्य दल-कार्यकर्तृभिः सह संवादं करिष्यति। अयं कार्यक्रमः सायं ४:३० वादने आयोज्यते।
मोदी गुरुवासरे ‘एक्स’ इत्यत्र प्रकाशिते सन्देशे अवदत् यत् केरलस्य जनाः सम्पूर्ण-राज्ये भाजपा-राजग-संघटनस्य उत्साहपूर्वकं समर्थनं कुर्वन्ति। तेन उक्तं यत् जनता वाम-लोकतान्त्रिक-मोर्चा (एलडीएफ) तथा संयुक्त-लोकतान्त्रिक-मोर्चा (यूडीएफ) इत्युभयोः ‘खोखल-प्रतिज्ञानां’ स्वरूपं ज्ञातवती।
स्वसन्देशे सः लिखितवान् यत् सः अद्य सायं ४:३० वादने भविष्यमाणं ‘मेरा-बूथ-सबसे-मजबूत-संवाद–केरलम्’ कार्यक्रमं प्रति उत्साहितः अस्ति, तत्र सहभागितायाः प्रतीक्षां च करोति।
अयं कार्यक्रमः दल-सङ्घटनस्य कृते महत्त्वपूर्णः मन्यते, यतः अनेन माध्यमेन भूमिस्तरस्य कार्यकर्तारः प्रत्यक्षं प्रधानमन्त्रिणा सह सम्बद्धाः भवितुं स्व-सूचनाः च प्रस्तोतुं अवसरं प्राप्स्यन्ति। दल-सूत्राणां अनुसारम् अस्य कार्यक्रमस्य उद्देश्यं बूथ-स्तरे सङ्घटनं सुदृढं कर्तुं तथा अग्रिम-निर्वाचनानां दृष्ट्या कार्यकर्तॄणाम् उत्साहं वर्धयितुं च अस्ति।
कार्यक्रमस्य समये प्रधानमन्त्री सङ्घटन-विस्तारः, जनसम्पर्क-कार्याणि तथा केन्द्र-सर्वकारस्य योजनाः सामान्य-जनतायाः समीपं कथं नेतुं शक्यन्ते इत्यादिषु विषयेषु अपि चर्चां कर्तुं शक्नोति। भाजपा-कृते केरलम् महत्त्वपूर्णं राज्यं मन्यते, यत्र दलं स्व-सङ्घटनात्मक-धारणं सुदृढं कर्तुं निरन्तरं प्रयासं करोति। राजनैतिक-विश्लेषकाः मन्यन्ते यत् अस्य उपक्रमस्य माध्यमेन कार्यकर्तृभ्यः शीर्ष-नेतृत्वेन सह प्रत्यक्ष-संवादस्य अवसरं दत्त्वा सङ्घटनात्मक-ऊर्जां वर्धयितुं प्रयत्नः क्रियते।
हिन्दुस्थान समाचार / Dheeraj Maithani