Enter your Email Address to subscribe to our newsletters
नवदिल्ली, ०२ अप्रैलमासः (हि.स.)। प्रधानमन्त्री नरेन्द्रमोदी ‘कर्मयोगी-साधना-सप्ताह’स्य अवसरे उक्तवान् यत् परिवर्तमानस्य विश्वेन सह पदं मेलयितुं लोकसेवायाः निरन्तर-अद्यतनम् अनिवार्यम् अस्ति। तेन बलं दत्तं यत् ‘विकसित-भारत’-लक्ष्यस्य सिद्धौ सक्षमं संवेदनशीलं च आधुनिकं प्रशासन-तन्त्रम् अत्यन्तं महत्त्वपूर्णं भविष्यति।
प्रधानमन्त्री वीडियो-सन्देशेन अवदत् यत् २१तम-शताब्द्यां वैश्विक-व्यवस्थाः शीघ्रं परिवर्तन्ते, अतः प्रशासन-तन्त्रं समयानुकूलं करणीयम्। ‘नागरिक-देवो-भव’ इति मन्त्रं प्रतिपाद्य सः उक्तवान् यत् शासनस्य सफलतायाः वास्तविकं मापनं नागरिकाणां ‘ईज-ऑफ-लिविङ्’ तथा ‘क्वालिटी-ऑफ-लाइफ’ इत्यनयोः निरन्तर-संशोधनं भवेत्। अधिकारिणां कर्मयोगीभावेन नित्यं नूतनं शिक्षितुं स्व-विकासं च कर्तुम् आह्वानम् अपि कृतम्।
तेन उक्तं यत् २०४७ पर्यन्तं ‘विकसित-भारत’-लक्ष्यं दृष्ट्वा अद्य गृहीतान् निर्णयान् देशस्य विकास-यात्रां दिशं दास्यन्ति। तकनीक-दत्तांशयोः महत्त्वं निर्दिशन् सः अवदत् यत् कृत्रिम-बुद्धिमत्ता (एआई) प्रशासन-परिवर्तनं अधिकं तीव्रं करिष्यति। अन्ते सः उक्तवान् यत् संघीय-समन्वयेन ‘होल-ऑफ-गवर्नमेंट’-दृष्टिकोणेन च कार्यं कृत्वा सक्षम-संवेदनशील-कर्मयोगिनां सुदृढं दलं निर्मास्यते, यत् ‘विकसित-भारत’-दिशि महत्त्वपूर्णं योगदानं दास्यति।
हिन्दुस्थान समाचार / Dheeraj Maithani