Enter your Email Address to subscribe to our newsletters
- राज्य शिक्षा केन्द्रस्य आरटीई पटले लप्स्यते आवंटित शालायाःसूचना
भोपालम्, 02 अप्रैलमासः (हि.स.)।
मध्यप्रदेशे राज्यशिक्षाकेन्द्रेण अद्य गुरुवासरे अपराह्णे द्विवादने निःशुल्क-अनिवार्य-शिक्षाधिकार-अधिनियमस्य (आरटीई) अन्तर्गतं निजीविद्यालयेषु निःशुल्कप्रवेशार्थं ऑनलाइन-लॉटरी निष्पादिता भविष्यति। अस्याः प्रक्रियायाः प्रत्यक्षप्रसारणं राज्यशिक्षाकेन्द्रस्य यूट्यूब्-चैनले प्रदर्शितं भविष्यति।
आवेदकाः अपराह्णे द्विवादनानन्तरं पञ्चदशमिनिटेषु बालकानां कृते आवंटितविद्यालयस्य विवरणं आरटीई-पोर्टले द्रष्टुं शक्नुवन्ति। ते आवंटनपत्रम् अपि डाउनलोड् कर्तुं शक्नुवन्ति। तदनन्तरं पंजीकृत-दूरवाणी-संख्यायां एसएमएस्-माध्यमेन अपि सूचना प्रेषिता भविष्यति।
ज्ञातव्यं यत् शिक्षाधिकार-अधिनियमस्य धारा १२(१)(C) अन्तर्गतं अनुदानरहित-अशासकीयविद्यालयेषु वञ्चितवर्गस्य दुर्बलवर्गस्य च बालकानां कृते प्रथमप्रवेशकक्षायां न्यूनातिन्यूनं पञ्चविंशतिशतांश-आसनानि निःशुल्कप्रवेशार्थं निर्धारितानि सन्ति। अस्य कृते मध्यप्रदेशे पूर्णतया पारदर्शीप्रक्रियायां आवेदनं शालाविनियोजनं च ऑनलाइन-प्रकारेण क्रियते।
अस्मिन् वर्षे राज्यशिक्षाकेन्द्रेण सूचितं यत् दस्तावेजसत्यापनानन्तरं प्रायः १,७८,७१४ बालकाः ऑनलाइन-लॉटरी-प्रक्रियायाः कृते पात्रतां प्राप्तवन्तः। ऑनलाइन-लॉटरीद्वारा चयनितानां बालकानां कृते प्रदेशस्य पात्रेषु प्रायः २२,००० निजीविद्यालयेषु १,२२,५५१ आसनेषु प्रवेशः प्रदास्यते।
लॉटरीद्वारा शालाविनियोजनानन्तरं चयनितबालकानां अभिभावकाः ३ अप्रैल् तः १५ अप्रैल् २०२६ पर्यन्तं आवंटितविद्यालयेषु गत्वा स्वबालकानां निःशुल्कप्रवेशं कारयितुं शक्नुवन्ति।
---------------
हिन्दुस्थान समाचार