Enter your Email Address to subscribe to our newsletters
काठमांडूः, 02 अप्रैलमासः (हि.स.)।
नेपालदेशे भारतसर्वकारस्य अनुदानसहयोगेन शिक्षा स्वास्थ्य कृषि क्षेत्रेषु सप्तानां सामुदायिकविकासपरियोजनानां कृते गुरुवासरे सहमतिज्ञापनम् हस्ताक्षरितम्। एतासां परियोजनानां कुलानुमानितव्ययः प्रायः ४७.३ कोटिरूप्यकाणि अस्ति।
काठमाण्डौस्थिते भारतीयदूतावासे सामान्यप्रशासनमन्त्रालयेन नेपालसरकारस्य परियोजनाकार्यान्वयननिकायैः सह एषः समझौतः कृतः। अस्य समझौतेन अधोलिखिताः सप्त परियोजनाः कार्यान्विताः भविष्यन्ति—
नवलपुरजिलस्य मध्यबिन्दुनगरपालिकायां शीतगृह निर्माणम्।
तेह्रथुमजिलस्य लालीगुराँसनगरपालिकायां शीतगृह निर्माणम्।
मुस्ताङजिलस्य घरपजोंगग्रामपालिकायां जनबलमाध्यमिकविद्यालयस्य भवन छात्रावास तथा भोजनालय निर्माणम्।
कैलालीजिलस्य गौरीगंगानगरपालिकायां श्रीकालिकाप्राथमिकविद्यालयस्य भवननिर्माणम्।
रौतहटजिलस्य परोहानगरपालिकायां प्रसूतिगृह निर्माणम्।
डोल्पाजिलस्य त्रिपुरासुन्दरीनगरपालिकायां श्रीकस्तुरीमाध्यमिकविद्यालयस्य भवननिर्माणम्।
बाँकेजिलस्य खजुराग्रामपालिकायां श्रीजनकल्याणमाध्यमिकविद्यालयस्य भवननिर्माणम्।
एताः परियोजनाः नेपालसरकारस्य स्थानीयनिकायैः नगरपालिकाभिः ग्रामपालिकाभिश्च माध्यमेन कार्यान्विताः भविष्यन्ति। दूतावासस्य अनुसारम् भारतसर्वकारः २००३ वर्षात् आरभ्य अद्यपर्यन्तं नेपालदेशे कुलम् ५९८ परियोजनाः आरब्धवान् अस्ति, यासु अद्य हस्ताक्षरिताः सप्त परियोजनाः अपि सम्मिलिताः सन्ति। तासु ५०६ परियोजनाः स्वास्थ्य शिक्षा कृषि पेयजल सम्पर्क स्वच्छता तथा सार्वजनिकोपयोगक्षेत्रेषु सम्पन्नाः सन्ति, अन्याः परियोजनाः विभिन्नावस्थासु सन्ति।
दूतावासस्य मतानुसारम् भारतनेपालयोः मध्ये घनिष्ठपड़ोसीसम्बन्धेषु बहुआयामीसहयोगः निरन्तरं प्रवर्तते। एताभिः परियोजनाभिः आधारभूतसंरचनायाः सुदृढीकरणं भविष्यति, तथा विकासः आर्थिकक्रियाकलापाश्च प्रवर्धिष्यन्ते। नेपालीपक्षस्य अभिप्रायः यत् शीतगृहादयः परियोजनाः कृषिक्षेत्रे कृषकाणां प्रत्यक्षलाभं करिष्यन्ति, विद्यालयस्वास्थ्यकेन्द्रनिर्माणेन ग्रामीणक्षेत्रेषु शिक्षा स्वास्थ्यसेवानां सुलभता अपि वर्धिष्यते।
एषः प्रयत्नो नेपालसर्वकारस्य विकासप्रयत्नानां सुदृढीकरणाय तथा उभयदेशयोः मध्ये सहयोगस्य अधिकगाढीकरणाय महत्वपूर्णं पदं मन्यते।
---------------
हिन्दुस्थान समाचार