प्रियदर्शन स्वस्य शततमचित्रस्य विषयेन चर्चायां वर्तते। प्रतिवेदनानुसारं अस्मिन् विशेषपरियोजनायां मलयालम-चित्रपटस्य सुप्रसिद्धः अभिनेता मोहनलाल मुख्यभूमिकायां दृश्यते। वर्तमानकाले निर्देशकः स्वस्य आगामिनि भय-हास्यप्रधानचित्रे भूत बंगला इत्यस्मिन् व्यस्तः अस्ति, ततः अनन्तरं सः अस्य नूतनस्य चित्रस्य कार्यं प्रारप्स्यति।माध्यमप्रतिवेदनानुसारं प्रियदर्शनस्य मोहनलालस्य च व्यस्तकार्यक्रमं दृष्ट्वा अस्य चित्रस्य चित्रांकनम् २०२६ वर्षस्य दिसम्बरमासात् आरभ्यते इति योजना कृता अस्ति। उक्तं यत् एतत् चित्रं केवलं शततमचित्रस्य उत्सवः न भविष्यति, अपि तु निर्देशकस्य अत्यन्तं व्यक्तिगतं विशेषं च कथानकं भविष्यति।विशेषतया प्रियदर्शनः इच्छति स्म यत् तस्य प्रथमं तथा शततमं चित्रं एकेन एव नायकाभिनेता अभिनीतम् भवेत्। उभौ १९८४ तमे वर्षे प्रदर्शितेन पूचक्कोरु मूक्कुथी इत्यनेन चित्रेण स्वस्य कार्यजीवनस्य आरम्भं कृतवन्तौ।एतस्मिन्नन्तरे मोहनलालः शीघ्रमेव पैट्रियट तथा दृश्यम 3 इत्यादिषु चित्रेषु अपि दृश्यते।

---------------

हिन्दुस्थान समाचार