Enter your Email Address to subscribe to our newsletters
धमतरी, 02 अप्रैलमासः (हि.स.)।
भगवतः राम अनन्यभक्तस्य पवनसुतस्य हनुमान जयंती गुरुवासरे उत्साहपूर्वकं समाचरिता। नगरेषु ग्रामेषु च स्थितेषु हनुमन्मन्दिरेषु श्रीसंकटमोचनहनुमतः विशेषपूजनार्चना कृता, येन सर्वेषां सुख-शान्ति-समृद्धीनां कामना कृता।
हनुमन्मन्दिरेषु “जय हनुमान ज्ञान गुण सागर” इत्यादीनि भक्तिगीतानि प्रातःकालात् एव निनदन्ति स्म। विभिन्नस्थलेषु आयोजितेषु प्रसादवितरणकार्यक्रमेषु श्रद्धालूनां महानुत्साहः दृष्टः। ते पङ्क्तिबद्धाः स्थित्वा प्रसादं स्वीकृतवन्तः।
इतवारीबाजारस्थिते किले श्रीहनुमन्मन्दिरे, पुरातनबसस्थानकस्थिते हनुमन्मन्दिरे, सोरिदस्थे हनुमन्मन्दिरे, रुद्रीस्थे दक्षिणमुखीहनुमन्मन्दिरे च सर्वेषु लघु-महद्भ्यः मन्दिरेषु हनुमज्जयंती उत्साहेन आचरिता। पवनसुतहनुमतः महाआरत्या सह नैवेद्यं समर्पितम्।
अस्मिन् अवसरे हनुमन्मन्दिरेषु भजनमण्डलिभिः भक्तिगीतानां प्रस्तुति कृता। नगरस्य रामजानकीमन्दिरे दिवसभरं भजन-कीर्तनं प्रवृत्तम्। किले श्रीहनुमन्मन्दिरे प्रातःकालात् एव श्रद्धालूनां आगमनं आरब्धम्। शुभमुहूर्ते पूजनार्चना कृता, श्रद्धालवः भगवते फल-मिष्टान्नादिभिः नैवेद्यं समर्पितवन्तः।
हनुमज्जयंतीअवसरे इतवारीबाजारधमतरीस्थिते बाबा रामदेवमन्दिरे महाआरती, हनुमान चालीसा-पाठः च सम्पन्नः। आयोजनसमित्याः द्वारा हनुमतः विशेषपूजा कृता तथा धमतरीनगरे देशप्रदेशेषु च जनानां सुख-शान्ति-समृद्ध्यर्थं प्रार्थना कृता।
तथा च नगरसमीपस्थे ग्रामपञ्चायतमुजगहनस्थिते प्राचीनधूनादासमन्दिरप्राङ्गणे स्थिते हनुमन्मन्दिरे भक्तैः पूजापाठकार्यक्रमः आयोजितः। षोडशश्रृङ्गारः आरती च कृत्वा प्रसादवितरणं कृतम्। अस्मिन् अवसरि कीर्तनमीनपालः उक्तवान् यत् एषः उत्सवः पूर्णया श्रद्धया उत्साहेन च समाचर्यते। उपस्थिताः सर्वे जनाः हनुमतः विशेषपूजनं कृत्वा सुख-समृद्धीनां कामनां कृतवन्तः। आरत्यां हनुमानचालीसा-पाठे च बहवः जनाः सहभागिनोऽभवन्।
हिन्दुस्थान समाचार