Enter your Email Address to subscribe to our newsletters
गोरखपुरम्, 02 अप्रैलमासः (हि.स.)।गोरक्षपीठस्य अनन्यभक्तः वरिष्ठसमाजसेवी च पिपराइचक्षेत्रस्य लुहसीग्रामनिवासी मारकण्डेययादवस्य निधनसम्बन्धे उत्तरप्रदेशस्य मुख्यमन्त्री योगी आदित्यनाथ गाढां संवेदनां व्यक्तवान्। सः गुरुवासरे प्रातःकाले लुहसीस्थितं तस्य पैतृकगृहं गत्वा पार्थिवशरीरे पुष्पाञ्जलिं समर्प्य श्रद्धाञ्जलिं दत्तवान्। मारकण्डेययादवः बुधवासरे प्रातः मेदांता अस्पताल-मध्ये चिकित्साकाले दिवंगतः अभवत्। तस्य गोरक्षपीठे प्रति अत्यन्ता श्रद्धा आसीत्।
मुख्यमन्त्री योगी आदित्यनाथः प्रातः प्रायः दशवादनाधिकसमये लुहसीग्रामे तस्य निवासं प्राप्तवान्। सः स्मृतिशेषस्य पार्थिवशरीरे तथा चित्रे पुष्पाणि समर्प्य भावपूर्णां श्रद्धाञ्जलिं अर्पितवान्। परिवारस्य प्रति गाढां संवेदनां प्रकटयन् सः दिवंगतात्मनः चिरशान्त्यर्थं गुरु गोरखनाथ-स्य प्रार्थनां कृतवान्।
योगी आदित्यनाथः स्वर्गीयमारकण्डेययादवस्य परिवारजनैः—पत्नी गुड्डीयादव, पुत्रौ संजीवयादवः विशालयादवः, भ्राता हरेंद्रयादवः, पुत्री वन्दनायादवः, जामाता हिमांशुयादवः इत्यादिभिः सह आत्मीयतया संवादं कृत्वा तान् सांत्वनां दत्तवान्।
अस्मिन् अवसरे मंगलेश श्रीवास्तव, धर्मेंद्र सिंह, विधायकः महेन्द्रपालसिंहः, विपिनसिंहः, उत्तरप्रदेशसहकारीग्रामविकासबैंकस्य सभापतिः संतराजयादवः, भाजपाजिलाध्यक्षः जनार्दनतिवारी, पिपराइचनगरपञ्चायताध्यक्षः संजयमद्धेशिया, वरिष्ठनेतारः राधेश्यामसिंहः, आनन्दशाही, सङ्घर्षमणिउपाध्यायः, रणविजयसिंहमुन्ना इत्यादयः अपि उपस्थिताः आसन्।
---------------
हिन्दुस्थान समाचार