Enter your Email Address to subscribe to our newsletters
कोलकाता, 02 अप्रैलमासः (हि.स.)। पश्चिमबङ्गालविधानसभानिर्वाचनस्य सन्दर्भे भवानीपुरनाम्नि क्षेत्रे भारतीयजनतापक्षस्य प्रत्याशी शुभेन्दुः अधिकारी गुरुवासरे केन्द्रीयगृहमन्त्रिणः अमितशाहस्य उपस्थितौ स्वस्य नामनिर्देशनपत्रं समर्पितवान्। नामनिर्देशनात् पूर्वं हाजरामोडस्थानात् एकः विशालः मार्गप्रदर्शनयात्रा आयोजितः, यस्मिन् बहवः पक्षसमर्थकाः सहभागी अभवन्।
किन्तु अस्याः यात्रायाः समये केन्द्रीयगृहमन्त्रिणः उपस्थितौ अपि सुरक्षायाः गम्भीरा त्रुटिः दृष्टा। मार्गप्रदर्शनयात्रायाः काले कालीघाटप्रदेशे मुख्यमन्त्रिणः ममता बनर्जी निवासस्य समीपे भारतीयजनतापक्षस्य तृणमूलकाङ्ग्रेसपक्षस्य च समर्थकानां मध्ये घोषणाभिः सह विवादः अभवत्। शीघ्रमेव तृणमूलध्वजधारिणः केचन कार्यकर्तारः यात्रायां प्रविश्य भाजपासमर्थकान् प्रहृतवन्तः, यस्मात् बहवः भाजपाकार्यकर्तारः आहताः अभवन्।
एतत् पश्चिमबङ्गालपुलिसस्य असावधानतारूपेण दृष्टम्। आरोपः अस्ति यत् एतादृशपरिस्थितेः पूर्वसूचनाः सन्ति सति अपि पर्याप्ता सुरक्षा व्यवस्था न कृता।
सूचनानुसारं सर्वेभवनस्य समीपे अपि उभयपक्षयोः समर्थकानां मध्ये तनावः दृष्टः। भाजपाया आरोपः अस्ति यत् तृणमूलसमर्थकानां आक्रमणे एकः भाजपाकार्यकर्ता आहतः, तस्य नेत्रे आघातः जातः।
यात्राकाले सुरक्षाकारणात् एकस्मिन् स्थाने अमितशाहः वाहनं परिवर्त्य सर्वेभवनं प्रति नीतः, अन्यः कार्यक्रमः पूर्वनिर्धारितमार्गे एव प्रवृत्तः।
अस्मिन् अवसरि अमितशाहः सभां सम्बोध्य भवानीपुरक्षेत्रे राजनैतिकपरिवर्तनस्य आवश्यकता प्रतिपादितवान् तथा मतदातॄन् शुभेन्दुमधिकारीं बहुमतेन विजयी कर्तुं आह्वानं कृतवान्। सः उक्तवान् यत् राज्ये परिवर्तनसन्देशप्रेषणाय एषा आसन्दिका महत्त्वपूर्णा अस्ति।
अमितशाहः अपि अवदत् यत् सः निर्वाचनकाले प्रायः पञ्चदशदिनानि पश्चिमबङ्गाले स्थित्वा पक्षप्रत्याशिनां समर्थनार्थं प्रचारं करिष्यति।
उल्लेखनीयम् अस्ति यत् भवानीपुरआसन्दिका राजनैतिकदृष्ट्या अतीव महत्त्वपूर्णा मन्यते, यतः एषा मुख्यमन्त्रिणः ममता बनर्जी विधानसभाक्षेत्रम् अस्ति, अतः अत्र स्पर्धा अत्यन्तं चर्चितरूपेण अभवत्।-------------------
हिन्दुस्थान समाचार