Enter your Email Address to subscribe to our newsletters
कोलकाता, 02 अप्रैलमासः (हि.स.)। पश्चिमबङ्गालविधानसभानिर्वाचनप्रचारस्य समये तृणमूलकाङ्ग्रेसस्य प्रमुखा मुख्यमन्त्री ममता बनर्जी गुरुवासरे मुर्शिदाबादजनपदस्य सूतीस्थले आयोजितायां जनसभायां भारतीयजनतापक्षस्य विरुद्धं तीव्रं प्रहारं कृतवती। सा मालदास्थितहिंसाया विषये केन्द्रीयगृहमन्त्रिणं अमितशाहं प्रति षड्यन्त्ररचनायाः आरोपं कृतवती तथा मतदातॄन् शान्तिं पालनार्थं आह्वानं कृतवती।
तृणमूलकाङ्ग्रेसप्रत्याशिनः इमानीविश्वासस्य समर्थनार्थं आयोजितां सभां सम्बोधयन्ती ममता बनर्जी उक्तवती यत् भाजपा निर्वाचनविजयार्थं बलप्रयोगं कर्तुमिच्छति, किन्तु राज्यस्य जनाः तत् न अनुमन्यन्ते। सा जनान् कस्यापि हिंसाया अथवा उद्दीपनस्य प्रभावे न आगन्तुम् अनुरोधितवती।
मुख्यमन्त्री उक्तवती यत् सा कस्यापि अशान्तेः समर्थनं न करोति तथा राज्ये शान्तिरक्षणं अत्यावश्यकम् अस्ति। सा मालदायाः अद्यतनघटनानां उल्लेखं कृत्वा उक्तवती यत् तासां हिंसाकृत्यानां कृते तस्या पक्षः उत्तरदायी नास्ति, अपितु तस्याः पृष्ठे काचित् राजनैतिकषड्यन्त्ररचना स्यात्।
ममता बनर्जी आरोपितवती यत् भाजपा तथा केन्द्रीयसरकारः लोकतन्त्रं दुर्बलं कर्तुम् प्रयतन्ते। सा उक्तवती यत् निर्वाचनात् पूर्वं प्रवर्तनसंस्थानां क्रियाः तथा मतदाता-सूच्याः विशेषगहनपुनरीक्षणं (SIR) इत्यादिभिः उपायैः राजनैतिकदबावस्य निर्माणः क्रियते।
सा अपि दावीकृतवती यत् भवानीपुरक्षेत्रे अपि प्रायः चत्वारिंशत्सहस्रमतदातॄणां नामानि सूच्याः अपसारितानि सन्ति, येषु बहवः अल्पसंख्यकाः महिलाश्च सन्ति।
मुख्यमन्त्री स्वभाषणे राज्यसरकारस्य योजनानाम् अपि उल्लेखं कृतवती तथा उक्तवती यत् कच्चगृहाणां पक्कगृहेषु रूपान्तरणं तथा प्रत्येकगृहं प्रति पेयजलस्य आपूर्तिः अनवरतं प्रवर्तते। सा उक्तवती यत् एककोटिपरिवाराणां कृते जलसुविधा पूर्वमेव प्रदत्ता अस्ति, अवशिष्टपरिवाराणां प्रति अपि एषा सुविधा प्रदास्यते।ममता बनर्जी उक्तवती यत् राज्यस्य भाषा, संस्कृति, सामाजिकसौहार्दस्य च रक्षणाय तृणमूलकाङ्ग्रेस एव एकः विकल्पः अस्ति।-------------------
हिन्दुस्थान समाचार