Enter your Email Address to subscribe to our newsletters
स्व. कुंवर सर्वेशकुमारसिंहः एकः निर्भीकः, निडरश्च नेता आसीत् - विकास जैनः
मुरादाबाद, 20 अप्रैलमासः (हि.स.)।
मुरादाबाद-लोकसभायाः पूर्वसांसदस्य तथा च मुरादाबाद-जनपदस्य ठाकुरद्वारा-विधानसभायाः पञ्चवारं (०५) विधायकस्य भाजपानेतुः कुंवर सर्वेश कुमार सिंहस्य द्वितीयपुण्यतिथौ तस्मै नमनं कृतम्। अस्मिन् अवसरे 'नया मुरादाबाद' स्थिते कुंवर सर्वेश कुमार सिंह उद्याने भारतीयजनतापक्षस्य कार्यकर्तृभिः पादपारोपणं कृतम्।
अस्मिन् अवसरे वरिष्ठ-भाजपानेता विकास जैनः कुंवर सर्वेश सिंहं स्मरन् अवदत् यत् सः एकः निर्भीकः, निडरश्च नेता आसीत्, यः प्रत्येकस्य व्यक्तेः समस्यानां समाधानाय सर्वदा उपलब्धः भवति स्म।
भारतीयजनतापक्षस्य वरिष्ठनेता पूर्वमहानगराध्यक्षः च मनोज कुमार गुप्तः (अधिवक्ता) अवदत् यत् कुंवर सर्वेश कुमार सिंहः मुरादाबादस्य तादृशी विभूतिः (शख्सियत) आसीत्, यां वयं सर्वदा स्मरिष्यामः। सः समाजस्य प्रत्येकस्य व्यक्तेः रक्षकः (मसीहा) आसीत् तथा च प्रत्येकस्य दुःख-कष्टेषु उपस्थितः भवति स्म।
अस्मिन् अवसरे भाजपा-युवामोर्चायाः राष्ट्रिय-कार्यकारिणी-सदस्यः राजू कालरा, पूर्वसांसदप्रतिनिधिः अमित सिंहः, राकेश महरोत्रा, अङ्कित शर्मा, कपिल सैनी, मोनू सैनी, गीतांश मित्तलः, सक्षम अग्रवालः, विपिन गुप्तः, हरि गोपाल शर्मा, प्रेम शङ्कर सैनी, राहुल सैनी, शोभित गुप्तः, डॉ. मोहित तोमरः इत्यादयः जनाः उपस्थिताः आसन्।
हिन्दुस्थान समाचार