Enter your Email Address to subscribe to our newsletters
नव दिल्ली, 20 अप्रैलमासः (हि.स.)।
भारतं दक्षिण-कोरियादेशं च स्वस्य व्यापक-आर्थिक-सहभागिता-सम्झौतस्य (सीईपीए) उन्नयनार्थं वार्तां आरब्धुं सम्मतौ अभवताम्।
अयं निर्णयः वैश्विक-स्तरे वर्धमान-भूराजनीतिक-तनावानां व्यापार-विघ्नानां च मध्ये उभयोः देशयोः आर्थिक-सहकार्याय नूतनां दिशं दातुम् अभिप्रेतः अस्ति।
नरेन्द्र मोदी तथा ली जे म्युंग इत्येतयोः मध्ये सोमवासरे हैदराबाद हाउस इत्यत्र सम्पन्नायां द्विपक्षीय-वार्तायां अनन्तरं एषा घोषणा कृता।
अस्मिन् काले उभयोः देशयोः मध्ये अनेकानि सहमति-ज्ञापनानि अन्ये च महत्त्वपूर्णाः सम्झौताः अपि विनिमयिताः।
संयुक्त-संवाददातृ-सम्बोधने प्रधानमन्त्री मोदी उक्तवान्— “चिप्स् इत्यतः आरभ्य शिप्स् पर्यन्तं, प्रतिभा इत्यतः प्रौद्योगिकी पर्यन्तं, मनोरञ्जनात् ऊर्जायाः पर्यन्तं—भारतं कोरिया च मिलित्वा सहकार्यस्य नूतनान् अवसरान् साकारीकरिष्यतः।”
तेन अस्य यात्रायाः “महत्त्वपूर्णः मोडः” इति वर्णनं कृत्वा उक्तं यत् उभौ देशौ स्वसहभागितां “भविष्य-उन्मुख” दिशां प्रति नयतः।
प्रधानमन्त्री अवदत् यत् भारत-दक्षिणकोरिययोः मध्ये द्विपक्षीय-व्यापारः अधुना प्रायः २७-अर्बुद-डॉलर-पर्यन्तं प्राप्तः अस्ति, यस्य २०३० वर्षपर्यन्तं ५०-अर्बुद-डॉलर-पर्यन्तं वृद्धिः लक्ष्यीकृता अस्ति।
अस्य लक्ष्यस्य साधनार्थं उभाभ्यां देशाभ्यां बहवः महत्त्वपूर्णाः उपायाः स्वीक्रियन्ते, येषु “भारत-कोरिया-वित्तीय-मञ्च” इत्यस्य स्थापना अपि अन्तर्भवति।
डिजिटल-प्रौद्योगिकी-क्षेत्रे सहकार्यं सुदृढीकर्तुं “इण्डिया-कोरिया-डिजिटल-ब्रिज्” इति पहल आरब्धा।
अस्याः अन्तर्गतं कृत्रिम-बुद्धिमत्ता, अर्धचालक-उद्योगः, सूचना-प्रौद्योगिकी च इत्यादिषु क्षेत्रेषु संयुक्त-प्रयत्नाः भविष्यन्ति।
प्रधानमन्त्री मोदी सांस्कृतिक-सम्बन्धान् उल्लेख्य उक्तवान् यत् भारत-कोरिययोः मध्ये सहस्रवर्ष-प्राचीनाः ऐतिहासिक-सम्बन्धाः सन्ति।
तेन अयोध्यायाः राजकुमारी सूरीरत्ना तथा कोरियादेशस्य राजा किम्-सुरो इत्येतयोः कथां स्मारयित्वा ताम् सहकारि-सांस्कृतिकनिक्षेपस्य प्रतीकम् इति निरूपितम्।
तेन उक्तं यत् भारते कोरियाई-पॉप-संस्कृतेः धारावाहिकानां च लोकप्रियता वर्धते, कोरियायां च भारतीय-चित्रपटानां संस्कृतेः च प्रति आकर्षणं वर्धते।
उभाभ्यां देशाभ्यां २०२८ वर्षे “भारत-कोरिया-मैत्री-महोत्सवः” आयोजयितुं अपि घोषितम्, येन सांस्कृतिक-आदान-प्रदानं अधिकं प्रोत्साहितं भविष्यति।
वैश्विक-विषयेषु चर्चां कुर्वन् प्रधानमन्त्री उक्तवान् यत् वर्तमान-काले वैश्विक-शान्तिः स्थिरता च सुनिश्चितुं अत्यावश्यकम्।
तेन उक्तं यत् भारतं कोरिया च इंडो-पैसिफिक्-क्षेत्रे समान-दृष्टिकोणं सहकुर्वतः, तथा क्षेत्रीय-शान्त्यै स्थैर्याय समावेशी-विकासाय च मिलित्वा कार्यं करिष्यतः।
अस्मिन् अवसरे राष्ट्रपतिः ली जे म्युंग अपि उक्तवान् यत् उभयोः देशयोः लक्ष्यं २०३० वर्षपर्यन्तं द्विपक्षीय-व्यापारं ५०-अर्बुद-डॉलर-पर्यन्तं नेतुम् अस्ति।
तेन अपि उक्तं यत् उभाभ्यां नेतृभ्यां मध्य-पूर्व-प्रदेशस्य स्थितेः विषये चर्चा कृता, तथा तत्र शान्ति-स्थैर्ययोः पुनःस्थापनं वैश्विक-अर्थव्यवस्थायै सुरक्षायै च आवश्यकम् इति सम्मतिः अभवत्।
राष्ट्रपतिना सूचितं यत् उभयोः देशयोः मध्ये इलेक्ट्रॉनिक-भुगतान-प्रणालीनां संयोजनार्थं अपि सहमतिः कृता, येन उभयोः देशयोः नागरिकाः परस्पर-देशयोः यात्रायां स्थानीय-क्यूआर-कोड् माध्यमेन भुगतानं कर्तुं शक्नुवन्ति।
उभौ नेतारौ अन्ताराष्ट्रिय-मञ्चेषु सहकार्य-वृद्धिम् तथा वैश्विक-संस्थासु सुधारस्य आवश्यकता अपि अवदताम्।
तेन उक्तं यत् परिवर्तमान-वैश्विक-परिस्थितीनां समाधानार्थं समन्वित-प्रयत्नाः अत्यावश्यकाः सन्ति।
---------------
हिन्दुस्थान समाचार