Enter your Email Address to subscribe to our newsletters
कोलकाता, 20 अप्रैलमासः (हि.स.)।
बिहारस्य भाजपा-विधायिका मैथिली ठाकुरः सोमवासरे उत्तर-२४ परगना-जनपदस्य अशोकनगरे जनान् प्रति एकजुटतां याचितवती। सा अवदत् यत् राज्यं “बाङ्गलादेशं भवितुतः रक्षितव्यम्।”
सोमवासरे अशोकनगरे भाजपा-प्रत्याशिनः डॉ. सुमय हीरा महोदयस्य समर्थने आयोजिते एकस्मिन् कार्यक्रमे सम्बोधनकाले सा उक्तवती यत् अत्र तादृशी स्थितिः उत्पन्ना अस्ति यत् भारते निवसन्तः अपि जनाः “वन्दे मातरम्” इति वक्तुं सङ्कोचं कुर्वन्ति। सा अवदत् यत् सा एतादृश्याः स्थितेः कल्पनाम् अपि कर्तुं न शक्नोति।
मैथिली ठाकुरः जनसामान्यं प्रति अपीलं कुर्वती उक्तवती यत् पश्चिमबङ्गं बाङ्गलादेशं भवितुतः रोद्धुं सर्वेभ्यः एकजुटं भवितव्यम्।
सा सूचितवती यत् गतेभ्यः द्वेभ्यः दिनेभ्यः सा पश्चिमबङ्गस्य विभिन्नक्षेत्रेषु चुनावप्रचारं करोति। अस्मिन् अन्तरे सा भाजपां प्रति जनानां समर्थनं स्नेहं च दृष्टवती, सहैव वर्तमानसर्वकारस्य विरुद्धं भ्रष्टाचारस्य आरोपाणां वार्ताः अपि श्रुतवती। सा अवदत् यत् बङ्गस्य संस्कृतिं अस्तित्वं च रक्षितुं जनैः भाजपा-पक्षे मतदानं करणीयम्।
स्वभाषणकाले सा एतदपि उक्तवती यत् शैशवात् सा पश्यन्ती अस्ति यत् बिहारस्य जनाः पश्चिमबङ्गे आगत्य कार्यं कुर्वन्ति, स्वपरिवारस्य पोषणं च कुर्वन्ति।
---------------
हिन्दुस्थान समाचार