Enter your Email Address to subscribe to our newsletters
कोलंबो/नव दिल्ली, 20 अप्रैलमासः (हि.स.)।
सी पी राधाकृष्णन स्वस्य श्रीलङ्का-यात्रायां सोमवासरे नुवारा एलिया नगरं प्राप्तवान्।
अत्र तेन भारतीय-मूल-तमिल-समुदायस्य कृते सञ्चालितस्य “भारतीय-आवास-परियोजना” इत्यस्य स्थलेषु निरीक्षणं कृतम्। एषा योजना भारत-सर्वकारस्य वित्तपोषणेन सञ्चाल्यते।
उपराष्ट्रपतिः राधाकृष्णनः रविवासरात् आरभ्य द्विदिवसीय-आधिकारिक-श्रीलङ्का-यात्रायां वर्तते। एषा तस्य श्रीलङ्कादेशस्य प्रथम-द्विपक्षीय-यात्रा अस्ति।
विदेशमन्त्रालयस्य अनुसारं, श्रीलङ्कायाः प्रथम-राजकीय-यात्रायां गतः उपराष्ट्रपतिः राधाकृष्णनः अद्य नुवारा-एलिया-स्थिते रगाला-प्रदेशस्य लिडल्सडेल-एस्टेट् इत्यत्र भारत-सर्वकारस्य साहाय्येन निर्मितानां “भारतीय-आवास-परियोजना” (तृतीय-चरण) अन्तर्गत-गृहाणां दर्शनं कृतवान् तथा लाभार्थिभिः सह संवादं कृतवान्।
तेन भारतीय-मूल-तमिल-समुदायेन सह मिलित्वा हर्षं व्यक्तीकृत्य उक्तं यत् भारत-सर्वकारः तथा भारतस्य जनाः श्रीलङ्कायां वसतां तमिल-जनानां कल्याणे गाढां प्रतिबद्धतां धारयन्ति।
भारत-सर्वकारेण अद्यावधि श्रीलङ्कायाः उत्तर-पूर्व-प्रान्तयोः वसतां तमिल-परिवाराणां तथा बागान-क्षेत्रेषु वसतां भारतीय-मूल-तमिल-परिवाराणां कृते पञ्चाशत्-सहस्र (५०,०००) गृहाणि निर्मितानि।
“भारतीय-आवास-परियोजना” इत्यस्य चतुर्थ-चरणे दश-सहस्र (१०,०००) अतिरिक्त-गृहाणि प्रदास्यन्ति।
---------------
हिन्दुस्थान समाचार